الله يحرقه ..... كان ابن حلال

بسم الله الرحمن الرحيم

ملايكه...
احنا كلنا ملايكه وعايشين وسط ملايكه
كلنا بنحب بعض وكلنا بنخاف على بعض وكلنا بنحترم بعض واللى ف قلبنا على لساننا

.....ده ف المشمش.....

للأسف احنا مش كده خالص...عايز تعرف ازاى؟

تضمن ان سيرتك مش بتيجى وسط اصحابك وانت مش موجود؟؟
وبيقولو نفس الكلام اللى انت بتقوله عليهم وهم مش موجودين برضه

تخيل وانت مش موجود
وتلاقى اصحابك بيتكلمو عنك بمنتهى التلقائيه..

لاء بصراحه محسن ده راجل...هو اه عيل زباله وندل وعمرك ما تقصده ف خدمه ويسد معاك فيها
بس الحق يتقال يعنى..هو راجل

لاء وابن حلال..اوعى تفكر انى مش بحبه ولا حاجه لاء بالعكس ده انا عشان بحبه يعنى بقول كده
الواحد عايز يشوفه احسن من كده طبعا واتمناله كل خير

هو بس لو يبطل حتة البخل اللى فيه دى...هيبقى كويس جدا
بس تعمل ايه بئه معفن طول عمره اصلا...مع انى ياجدع بحبه لله ف لله وبعامله زى اخويا واكتر
اوعى تفكر انى بحقد عليه ولا حاجه لاء ابدا ده انا بعزه

هو كويس يعنى وابن حلال...
بس لو استلف منك فلوس بئه..قول عليها يارحمن يا رحيم
واطى واطى يعنى وبينسى اللى عليه ويفتكر اللى ليه

واتفرج بئه لو عزمك على سندوتش فول ولا حاجه...مصر كلها هتعرف تانى يوم انه عزمك على 10 سندوتشات فول و5 طعميه وبربع جنيه مخلل

بس برضه ميمنعش انه ابن حلال وانا بعزه
انا بس اللى بيضايقنى منه انه بيبانلك طيب كده ياجدع مع انه عيل سوسه...بس هو مش وحش يعنى

لاء وحقود ياجدع ومن جوه اسود كده متعرفش جايب الحقد ده منين...خدت بالك انت من حتة الحقد اللى جواه دى صح؟؟

بس برضه فيه مميزات كتير يعنى...كفايه ان اللى ف قلبه على لسانه
هو اه منافق حبتين تلاته بس انا وربنا بحبه..ياعم راجل محترم لاء وايه..ابن حلال يعنى

المشكله بئه عنده حتة النميمه دى زياده اوى بئه...تقعد معاه ميسبش حد ف حاله ويشتم ف كل اللى يعرفهم
بس الشهاده لله..هو ابن حلال يعنى
الواحد يقول اللى ليه واللى عليه برضه..

بس تعرف انه معفن يعنى وانتهازى..ودى مشكلته فعلا

بس برضه ده ميمنعش انى بحبه لله ف لله
ده كفايه ياخى وشه المنور كده وضحكته ...هو اينعم قدمه مش حلو اوى
بس ده ميمنعش انه ابن حلال مصفى وانت عارف انا بحبه اد ايه يعنى

وهنا يدخل محسن حزينا ياعينى ويقولهم...محمد فتحى تعيشو انتو
يرد الجميع ..يااااه البقاء لله الف رحمه ونور تنزل عليه

ويكمل محسن حديثه...

((لاء بصراحه الله يرحمه كان راجل...هو اه عيل زباله وندل وعمرك ما تقصده ف خدمه ويسد معاك فيها
بس الحق يتقال يعنى..هو راجل))
انتو عارفين كنت بحبه لله ف لله

ويرد الاخرون
الله يحرقه...بس كان ابن حلال

هههههههههههههههههههه هو اه بردو واد ابن تيت وكده بس انا بعزو لله ف لله
ده كفايا انه ابن حلال مصفى
هههههههههههههههههههههه
جااااااااااامد طحن

ههههههههههههههههههههههههههه
حلوه اوي يا فرعون

هههههههههههههههههههههههههههههه رائع

شكرا على المرور الجمييييييييل

لا بجد ابن حلال وطيب ده حتى كلكوا بتحبوه اوى باين من الكلام كده يعنى

» سيرة نبى الله محمد ( صلى الله عليه وسلم )
» ابتسم فان الله معك
» مراحل خلق الانسان (سبحاااااااااااااااان الله)
» ادخل قول سبحان الله...!!
» اتقوا الله في العزاء