يوميات أسرة مصرية.........تحفة

ميرسي لمرورك يا سيكو

الحلقة الثانيةعشرة
امسكت بالتليفون واتصلت بصديقتى القديمة وجارتىشيماء وزميلتى فى الكفاح – كفاح انتظار فارس الاحلام وحلم ان يأتى ولو حتى على أرنبابيض !! ........

جاءنى صوتها مليئا الملل والفراغ كالعادة وطبعا أسمعتنى دشبارد على قلة اتصالى فقاطعتها وهتفت بها بكل حماس :

-سيبك من الكلام الفاضى ده يا بنتى عاوزاكى فى موضوع مهم جدا جدا ....

-فنفضت عنها الملل وارتفع صوتها فى حماس وترقب : ايه ؟ فى عريس جاى فى السكة ولا ايه ؟

-فرددتبتبرم :هو انتى مفيش فى دماغك غير العرسان وحواديتهم ؟ لاياستى مش عريس دى حاجة تانية خالص ...بس حاجة تانية ح تغير حياتك وحياتى خالص !

-فعاد اليها مللها وخفت صوتها مرة ثانية : حاجة ح تغير حياتنا ومش عريس ؟ عروستى !!؟؟

-الظاهر انى غلطانة انى كلمتك ح تفوقىمعايا ولا اكلم حد تانى؟

-فردت بسرعة : لالا خلاص ح ابقى مؤدبة واسمع كلام ماما وبابا ! بس قولى يالا بسرعة !!

-فحكيت لها بايجاز عن موضوع جمع الملابس واعادة اصلاحها ثماعطاءها للفقراء بعد ذلك وطلبت منها مساعدتى .........

-فردت بتعجب : وعاوزانى أدور على الجيران واقول لهم عندكم هدوم قديمة لله !! ولا اقول حسنة قليلة تمنع بلاوى كتيرة ؟ ! عاوزاهم يقولوا البنت مش بس عنست لاكمان اتجننت !!

-فحمدت الله على نعمة العقل وجزيت على أسنانىوحادثتها كأنى أكلم ملك المفعوصة : شوفى يا شوشو يا حبيبتىالموضوع مش فيه شحاتة ولا حاجة ولا احنا ح نبيع الهدوم دى مثلا ولا حنسرح بيها فىسوق الكانتو لا سمح الله !!كل الحكاية اناعاوزاكى تبلغى اصحابك ومعارفك اننا بنجمع الملابس القديمة وياريت اللى عنده هدوميجيبها ....... وياسلام لو مغسولة او متوضبة يبقى تمام التمام ......ولو حتى مشجاهزة مفيش مشاكل احنا ح نوضبها ... صدقينى مفيش احراج ولا حاجة احنا بنعمل حاجةلله وكمان احنا مش اول ناس يعمل الفكرة دى لا شباب غيرنا كتير بينفذوها ....ولالازم نقعد ايدنا على خدنا نستنى عريس الغفلة من غير من نعمل اى حاجة مفيدة؟

-وكأن كلامى أخيرا أقنعها وقالت : خلاصاتفقنا ح اكلم كل اللى نعرفهم واحنا عندنا شقة أخويا الفاضية اللى فوقينا ممكن نجمعفيها الهدوم بس استنى لما استأذن ماما الاول لحد ما نشوف ح نعمل ايه .......... بسيارب امى ما تقولش البنت اتجننت وح تسرح بهدوم فى وكالة البلح !!!

-فرديت بثقة : لا اطمنى انا عارفة طنطوواثقة انها عارفة انك لاسعة من زمان يعنى مش ح يفرق معاها ما تخافيش .......وأغلقت السماعة قبل أن تفترسنى .........وكررت المكالمة مععدة صديقات ووعدتنى كل واحدة بالخير ......وبعد نصف ساعة فقط جاءنى اتصال من والدةشيماء بنفسها وأخذت تدعو لى على الفكرة الجميلة وأخبرتنى ان شقة اخو شيماء خاليةوجاهزة كى نستخدمها فى جمع الملابس ..............

اغلقت السماعة وسجدت سجدةشكر لله على رزقه وتيسيره لى الطريق الذى قررت ان أمشيه وجريت واحتضنت امى وحكيتلها ما حدث فدعت لى بالخير وسعدت لسعادتى الفائقة ...........

وأمسكتالتليفون مرة أخرى (وربنا يستر وبابا ما يطردنيش لا يشوف الفاتورة !!) وحادثت كل مناعرفهم او اعرفهم معرفة سطحية........ ومباشرة بدون لف اودوران أخبرتهم عن مكان شقةشيماء القريب جدا من بيتنا ورجوتهم ان يذهبوا هناك بأى ملابس يستغنون عنها ........)

ثم ذهبت لاعداد طعام الغداء مع امى وانا فى عالم آخر أحلم بمايمكن ان نصنعه بهذه الملابس وأتخيل فرحة الفقراء وهم يأخذونها وكم امرأة ستستراولادها وتسكت صراخهم من برد الشتاء وكم فتاة متعففة ستستطيع ان تحصل على ملابسجديدة تذهب بها الى عملها او كليتها وكم وكم وكم .........تاهت احلامى ولم أستطعحصرها وانا تائهة عن نداء أمى وشجارها المعتاد مع ملك ..........

وتناولناالغداء مع ابى وخالد كالمعتاد لا يزال بالمكتبة ودخلت غرفتى وجمعت كنزى من الملابسالتى أصلحتها واستأذنت امى ان أذهب الى شيماء كى أخزنها عندها لأن غرفتى ضاقت بهافأذنت لى ودعت لى بالخير وطالبتنى ان آخذ ملك معى كى تساعدنى .............
وذهبنا انا وملك ونحن نحمل الملابس الثقيلة ووجدنا شيماء ووالدتهافى انتظارنا فى الشقة الخالية الا من انترية قديم وترابيزة سفرة مستعملة وبعضالكراسى فقط لا غير .......واستقبلت نى والدتها الكريمة بالترحاب وأخذتنى من يدىلترينى كوم كبير من الملابس المستعملة اكبر من الكوم الذى أخرجته امى من ملابسناالقديمة بكثير ....
وقالت لى وهى تضحك على استحياء : ( والله ياسلمى دول اللى قدرت اطلعهم من تحت السرير انا وشيماء وفيهم حاجات غالية عندى اوى منايام ما كنت عروسة بس كله لله !!)وكتمت ضحكتى وانا أزجر ملك وانا اجدهاتنطلق كالصاروخ وهى تقول( حضرتك كمان يا طنط زى ماما بتخزنىهدوم من ايام الهكسوس ؟!!)ولاحظنا احمرار وجه ام شيماء وهى تدارى خجلهابضحكة صافية وتقاطعها ابنتها( ابسطى يا ست ملك كام واحدة مناصحابنا لما قلت لها على الموضوع قالت انها مستعدة تشاركنا وكل واحدة ح تجيب كومهدوم وتيجى وكمان الجيران .....والدعوة عامة وح تبقى لمة !!!)وتركتناوالدتها وجاءت بعد قليل بالشاى ومعها كيس كبير من الملابس جاءت به احدى الجارات ........ونظرت الى اكوام الملابس امامى ورأيت حلمى يصبح حقيقة دعوت الله ان يرزقنىالاخلاص والقوة وسمينا الله وبدأنا فى فرز الملابس واعدادها للتنظيف وانا اشعر واناامسك كل قطعة ملابس بأنى امسك وليدى الغالى الذى لم أرزق به بعد ..............

يااااااااااااااااااارب يوفقهم
جلق جميل جدا جدا جدا
ميرسى جدا يا بيوتى
وشكرا لتفاعلك وسرع استجابتك

شكرا ليك انت يا سيكو

الحلقة الثالثة عشرة

ياربى لحد امتى العذاب ده ؟ قالها خالد لنفسه ورجل يلقى اليه بعصبية ببعض الاوراق لتصويرها وتغليفها....... ولكنه كظم غيظه لاعتياده هذا الامر وكثرة ما رآه ....وعندم ا رحل الرجل أخذ خالد ركنا من المكتبة ليذاكر من كتاب الكيمياء الذى أصبح لا يفارقه لضيق الوقت المتبقى للامتحان واعتاد الحاج وأحمد ان يتركوه بعض الوقت ليذاكر ......وطبعا فى اول ايام اصطحابه للكتب لم يكن يفقه شىء من الضوضاء والضجيج .....

ثم اعتاد الامر قليلا بعد ذلك لمعرفته ان أبيه لا يمزح معه بشأن رسوبه مرة اخرى فاعتاد ان ينتهز اى فرصة يمكنه فيها ان يذاكر ولو ورقات قليلة قبل عودته المنزل غير الوقت الصباحى الذى يذاكر فيه ......وت رحم على الايام الرايقة التى كان ينصب محاكمة دولية لملك اخته لو ألقت ابرة امام غرفته وهو يذاكر لأنها أخرجته من مود المذاكرة ولن يعرف كيف يعود الا بعد ساعات طويلة !!!!

واستيقظ من استغراقه فى المذاكرة على صوت الحاج سعيد يناديه ليعطيه شيئا قبل انصرافه الى المنزل ........ واقترب منه ليجد الحاج يخرج من جيبه بعض النقود ويقول له : ( كل شهر وانت طيب يا عم خالد بس اوعى تضيعهم فى كلام فارغ !!)

وفتح خالد فمه من الدهشة عندما وجد النقود فى يده فقد كان يظن ان موضوع المكتبة تهذيب واصلاح فقط ...- معقول أبويا يخلى الحاج يدينى ماهية ؟ طيب والحاج يرضى ليه ؟ ده انا اخدت وقت طويل على ما بقيت بأعرف اشتغل ؟ وطفشت له كام واحد من شغلى الروعة !!

حاولت ردهم للحاج على استحياء فرفض وضحك قائلا Sad

ايه يا بنى مش عاوز تاخد فلوسك ليه ؟ ده حقك ولا انت فاكرنى باكل تعب حد ياعم خالد ؟ )

لم يتمالك نفسه من الفرحة وقبل الحاج قبل انصرافه وفى طريقه للمنزل أخرج النقود من جيبه وتحسسهم ليتأكد من انه لا يحلم وأنه لأول مرة فى عمره يكسب نقودا من مجهوده هو

.....طوال عمره يأخذ مصروفه من أبيه وطبعا الكمالة من امه !!! وطوال الشهر يتحجج بأعذار كى يأخذ المزيد من النقود من أبويه ...ولكنه لم يشعر ابدا بهذه السعادة التى يشعر بها الآن .....لأنه تعب فى هذه النقود فعلا فيشعر انها غالية عنده جدااااااااا وكأنها مئات الالوف من الجنيهات ....

وعلى الفور اتجه الى اقرب محل حلوانى واشترى دستة جاتوة وقال للرجل بكل فخر هات احسن حاجة ما يهمكش الفلوس ..الخير كتير والحمد لله !!!)

ودخل على امه وابيه وسلمى وملك بهيصة وزفة بدلا من البوز المتين المعتادين عليه كل ليلة !!
فأنزل ابيه النظارة عن عينه وتوقف عن قراءة الجريدة وابتسم كأنه يعرف سببسعادة ابنه ...ولكن أمه تساءلت بدهشة) خير يا حبيبى انت عيان ولا ايه ؟ مش عوايدك يعنى تضحك كده فى وشنا ؟ انت ناوى تهاجر استراليا وعامل لنا مفاجأة ولا ايه ؟؟؟؟؟)

فشعر خالد بالخجل من كلام امه وانه حملهم مالا يطيقون من غضبه وتمرده الدائم بدون مبرر واضح فاقترب منها وقبل يديها وقال لها انا جايب لكم حاجة حلوة ياماما بمناسبة اول مرتب لى النهاردة .....)

فهللت ملك وقفزت فوق الكراسى وهى تهتف مثل مظاهرات عابدين( يعيش ابيه خالد يايايايايعييييي يييش !!! يارب تقبض كل يوم يا ابيه واعمل حسابك انت ح تشترى لى المكعبات اللى نفسى فيها ......مدام بقيت غنى كده !!)

فابتسم خالد من كلامها ثم اقترب من ابيه على استحياء ولم يستطع ان ينطق بحرف مما اراد قوله ........فظل صامتا وابتسم ابيه وربت على كتفه قائلا Sad

والله وبقيت راجل يا عم خالد وبقيت كسيييب كمان !! عقبال ما تفرحنا بنجاحك ان شاء الله )

فاحتضنه خالد شاعرا بمدى عظمة هذا الرجل الذى طالما ظلمه فى قرارة نفسه بشعوره انه يتحداه وانه لا يفهمه وانه وانه .......اخيرا ادرك انه كان يريد اصلاحه فقط وان يجعله يشعر بمدى صعوبة الحياة وانه لا بد ان يجد فيها مكانا ولو صغيرا بمجهوده ونجاحه وحده .........:00020 0BF:

خرجت سلمى من غرفتها التى تحولت الى مشغل خياطة عالمى على صوت مهرجان ملك ونداء امها اليها ان تلحق شيئا من الجاتوة قبل اعصار ملك المدمر له !!!!!

خرجت سلمى لتجد خالد يمد اليها يده بشىء صغير فتحته لتجده رزمة اوراق صغيرة مطبوعة بالكومبيوتر عبارة عن اعلان عن مشروع تجميع الملابس المستعملة التى تقوم به هى وصديقاتها ومكتوب به عنوان منزلهم ومنزل شيماء ودعاء جميل بالثواب والجزاء الكبير لمن يساعد فى كساء فقير او يتيم !!!

تعجبت سلمى وخنقت الفرحة والمفاجأة صوتها بالدموع وأسرع خالد اليها قبل ان تبكى : شوفى بقى شغلى على الكومبيوتر طبعا حلو وروعة مش كده؟ ليكى على كل واحد يدخل المكتبة ادى له اعلان وكل بيت فى الشارع الزق له ورقة ......وكمان نجند ملك وصحابها انهم يوزعوا الورق فى كل مكان يمكن يقبضوا عليها ويفتكروها منشورات ونخلص منها !!)

فبكت ملك واشتكت لأمها ان البوليس ح يقبض عليها لو وزعت ورق سلمى !!!!! فرجتهم الأم ان يبعدوا حبة عينها ملك من مهمة المنشورات السياسية دى !!!!!!!
-
-
-
- تحول البيت عند شيماء لما يشبه سوق العتبة والأزهر ملابس فى كل مكان ومن كل الاحجام والاشكال منها ماهو جاهز للعرض ومعلق على شماعات ومنها ماهو مرصوص فى أكياس ومقسم الى ملابس اطفال ورجال ونساء ومنها مالم يزال فى مرحلة التجهيز والتصليح ........

قالت شيماء لسلمى بهدوء وهى تخيط فستان معها : ( على فكرة انا سألت عن القاعة اللى فى المجمع الخيرى التابع للمسجد علشان نعمل فيها المعرض .....لقيتهم عملوا قبل كده كذا معرض من نفس النوع وادونى ميعاد كمان 3 أسابيع علشان نعرض الهدوم هناك !!)

فقفزت سلمى من مكانها والقتها بجاكت كان معها وهى تصرخ : بالذمة انتى مش باردة بقالنا 3 ساعات قاعدين وما تقوليش حاجة مهمة زى دى ؟ وكمان بعد ما البنات مشيوا ؟ اعمل فيكى ايه بس ؟ )

فردت عليها شيماء بهدوءها المعتاد يعنى هم ال3 أسابيع خلصوا من دقيقتين ؟ ما لسه بدرررررررررررى !!)

فتمالكت سلمى نفسها قبل ان ترتكب جريمة فى بيت الناس !! وجلست تفكر فى المعرض وكيف سيكون شكله وهل سيأتى الناس وكيف سيعلمون بالمكان والزمان ؟ وهل تستطيع هى وصديقاتها التحكم فى الموضوع ؟ ام ان زمام الأمور سيفلت منهم ؟ دق قلبها بشدة وهى تفكر وتدعو الله ان تنجح فى اول تجربة حقيقية فى حياتها واول مرة تكون فى اختبار لم تر مثله من قبل !!!!!!

يارب يوفقهم
ويهدى خالد
جمييييييله اوى اوى يا بيوتى

شكرا لمرورك يا سيكو

ها فين الجديد؟

ماشي ادى الجديد
بس كان عندى امل حد يرد ولا حاجة

الحلقة الرابعة عشرة

وأخييييرا جاء يوم المعرض !! ايام طويلة وليالى لم تذق سلمى فيها النوم هى وصديقاتها فى جمع الملابس وتجهيزها واعدادها للعرض .....ولأول مرة تشعر ان الجميع بجوارها ويساندها وخاصة أخيها خالد الذى طبع الاعلانات الخاصة بمكان المعرض وتاريخه ووزعها على كل من يعرف ومن لا يعرف هو واصدقاؤه .........
وطبعا ملك اعتبرت نفسها مندوبة مبيعات وانطلقت تخبر الجميع ان (المعرض ده بتاع ابلة سلمى ولازم كلكم تروحوا هناك عشان تاخدوا الهدوم ببلاش !!!)

تناولت سلمى افطارها على عجل وتركت اباها يقرأ القرآن ويستعد لصلاة الجمعة بعد ساعة وامها تجهز الشاى وتدعوها لتناوله فرفضت سلمى وهى تجمع شعرها الاسود الطويل وترتدى طرحتها

(مفيش وقت يا ماما انا اتأخرت جدا زمان البنات كلهم هناك بيجهزوا كل حاجة وزمانهم بلغوا المباحث تدور على !!)

فألحت عليها امها ( يابنتى انتم جهزتوا اغلب الحاجات من امبارح الجامع مفيش 5 دقايق وتوصليه اشربى كوباية الشاى بتاعتك وخدى السندوتشات دى علشان ما تجوعيش هناك !!)

فابتسمت سلمى معترضة : ( هو انا ياماما طالعة رحلة لجنينة الحيوانات ؟ سندوتشات ايه بس ؟ ما تقلقيش نفسك انتى يا قمر وكل حاجة ح تكون تمام ان شاء الله )

فضحك اباها بعد ان ختم قراءته للقرآن وقال لزوجته( سيبيها ياام خالد علشان ما تتأخرش وخدى يا سلمى الفلوس دى لو حبيتى تشترى حاجة ....ربنا يفتحها فى وشك ويجازيكى خير يارب )

فقبلت سلمى يد ابيها وانطلقت خارجة وأمها تنظر لها بحب وهى تقول ( ربنا يكرمها اول مرة اشوفها فرحانة ووشها منور كده !!)
-
-
-

وصلت سلمى لقاعة المجمع الخيرى الملحقة بالمسجد لتجد شيماء وصديقاتها يجهزن الملابس لعرضها وكالعادة اخدت دش بارد من شيماء على تأخرهاولكنها وعدتها ان كل شىء سيكون مجهز قبل الصلاة باذن الله ......

وانهمك الجميع فى الاعداد حتى اصبحت الملابس كلها معلقة فى صفوف طويلة فى شماعات انيقة ومقسمة الى ركن للأطفال وآخر للرجال وآخر للنساء وهكذا..... وبدت الملابس تنافس الجديدة من فرط نظافتها والجهد المبذول فيها من اصلاح وتنظيف وكى وتغليف .......وأذنت الجمعة فذهبت الفتيات لحضور الخطبة والصلاة فى مسجد النساء ثم بعدها رجعن وفتحن القاعة مرة اخرى انتظارا للقادمين ......

دق قلب سلمى وعيونها معلقة بالباب تترقب اول قادم ومرت دقائق وهى تتلو ايات القرآن حتى دخلت امرأة ومعها طفلتها ويبدو عليها الفقر ورقة الحال ثم توجهت الى ملابس الاطفال ونظرت قليلا ثم ظهر عليها خيبة الأمل واتجهت الى باب الخروج فجرت اليها سلمى وهى تسالها عن سبب انصرافها فقالت لها المرأة :

-انتوا بتضحكوا علينا يابنتى ؟ ولاد الحلال قالوا لنا ان ده معرض للهدوم القديمة قلت آجى اجيب حاجة لبنتى الغلبانة تسترها ....اقوم الاقيها هدوم من بتاعة المحلات ؟ احنا غلابة يابنتى وعلى باب الله ما نقدرش ندفع فلوس ......

-فأمسكتها سلمى من يدها وهى تبتسم لها : (لا ياستى ما تخافيش الهدوم دى ببلاش احنا موضبينها علشان تليق بالقمر بنتك خدى اللى انتى عاوزاه كله )

-فدهشت المرأة ولمعت عينها بالدموع وهى تقول : ( معقول ؟ طيب قولى والله ؟ بجد دى هدوم مستعملة ؟ دى زى الفل !! ده احنا قبل كده كنا بناخد الهدوم وكلاها العتة ودايبة وكنا بنقول اهى حاجة تسترنا من البرد والسلام ....اول مرة اشوف هدوم حلوة كده ........تصدقى ان دى اول مرة بنتى من يوم ما اتولدت تلبس حاجة مش دايبة ولا مقطعة ؟ ربنا يسعدكم ويريح قلبكم يارب العالمين )

حبست سلمى دموعها وهى تقود المرأة لتختار لها ولابنتها الملابس المناسبة وانصرفت ولسانها لا يتوقف عن الشكر وابنتها تتراقص بثوبها الجديد وحذائها اللامع الذى اقسمت الا تخلعه حتى وهى نائمة !!!!!!!

وتوافد الفقراء وتكرر السؤال والدهشة عن الملابس هل هى جديدة ام مستعملة ؟ وتحولت قلوب الفقراء من الانكسار الى السعادة باقتناء شىء قيم بالنسبة لهم وهم لا يعرفون ان هذه الملابس تخزن بالسنوات فى خزانات آخرين لا يريدونها ولا يريدون اعطاءها لغيرهم ......

وتغيرت الوجوة البائسة الى وجوة تكسوها السعادة والفرحة والاطفال الصغار الى القفز من فرط السعادة والرغبة فى ارتداء الملابس الجديدة بدون انتظار وامتلأ المكان بقلوب شاكرة لم تذق السعادة من سنوات .....وايد كثيرة ترفع يدها بالشكرلله على نعمته وستره ...واطفال تلهو وتضحك وهى لم تر الا الشقاء من يوم مولدها ......

نظرت سلمى حولها وهى لا تكاد تصدق ما تراه وعيونها تلمع من دموع السعادة وتود لو تسجد لله شكرا على ما اعطاها من فضله انه استخدمها لاسعاد الفقراء ....

ووسط ماهى تشعر به وجدت يد صغيرة تمسك يدها ففاقت من افكارها فوجدت طفل صغيروسيم عمره نحو 5 سنوات مستدير الوجة وعيونه تحمل ذكاء شديد وشعره فاحم السواد والنعومة ....أنيق الثياب ويحمل معه كيس به بعض الأشياء .....جذبها من يدها وقال لها بثبات : انا اسمى حمزة اسمك ايه يا طنط ؟

فتعجبت سلمى من جرأته وأعجبت به وابتسمت وقالت له : انا اسمى سلمى اى خدمة يا أستاذ حمزة ؟

فرد عليها بثبات ( انا كنت بأصلى الجمعة مع بابا ومعايا كيس اللعب القديمة بتاعتى كنت ح احطه فى الجامع عشان الاطفال اللى مش عندهم لعب ياخدوه لقيت انتم بتوزعوا حاجات كتير قلت عشان ربنا يحبنى اديكم اللعب بتاعتى علشان أدخل الجنة اصل بابا قال لى ان اللى يدى الاطفال التانيين حاجاته يدخل الجنة ....عارفة ياطنط الجنة دى فيها شيكولاتة ومراجيح ولعب وكل حاجة )

فضحكت سلمى من كلامه واحبت اسلوبه البرىء الذكى وشعرت انه دخل قلبها بدون استئذان : طبعا يااستاذ حمزة احنا متشكرين جدا على لعبك الجميلة ولو عندك اى حاجة تانى تجيبهالى وانا ح احطها فى المعرض اللى جاى وعلى فكرة فى اطفال هنا ايه رايك انك تيجى تديهم اللعب بنفسك ح يفرحوا اوى وح تبقوا اصحاب .......

وأمسكت بيده واخذته ليوزع اللعب على الاطفال الفقراء الموجودين وتحول المكان الى مهرجان والأطفال يكادوا يطيرون من فرط السعادة بالملابس واللعب التى حصلوا عليها ....وما ان انتهى حمزة من توزيع اللعب حتى التفت الى سلمى وقال لها : ( لو سمحتى ياطنط قولى لى اجيب لك الهدوم اللى بقت صغيرة على فين وكمان ممكن اجيب لك هدوم عمتو سناء وبابا )

اعطته سلمى ورقة بعنوان شقة شيماء وسألته : (آدى العنوان ياسيدى انت ممكن تيجى انت وماما ياحمزة مش كده ؟ )

فرد بصوت خفيض : ( لا ياطنط ماما راحت الجنة وانا بادى الاطفال الحاجات دى علشان اروح لها الجنة انا كمان !!)

فانقبض قلب سلمى وضمته اليها بحنان كبير وقالت له ( خلاص ياحمزة احنا بقينا اصحاب لازم اشوفك تانى اتفقنا ؟ )

فرد بعيونه الجميلة : ( اتفقنا ياطنط سلمى ....ده وعد رجالة ) والتفت حوله لينادى على رجل فى منتصف الثلاثينات طويل وسيم كان يستند بظهره الى الحائط يرقب ولده وينتظره حتى ينتهى من توزيع لعبه ........

ثم تقدم الرجل نحو حمزة وسلمى وقال لها بأدب واضح واستحياء : (انا أسف لو كان حمزة تعب حضرتك ....هو بيحب يتكلم كتير ...وهو صمم انه يشيل لعبه بنفسه ويجيبها هنا لما سمع عن المعرض ...وان شاء الله نجيب حاجات تانية كتير ........السلام عليكم )

وأخذ ولده وانصرف وعيون حمزة معلقة على سلمى التى لم يكف قلبها عن النبض لسبب لا تعرفه ............... .......

اولا الحلقه جميله جداااااااااااا
وانسانيه اوووووووى
بس زى ما اكون حاسس ان ابو حمزه هيتجوز سلمى
والله اعلم

انا حاسة بكده برده
والله اعلم ويلا بمناسبة الفالنتين هحط حلقة كمان النهاردة

الحلقة الخامسة عشرة

استيقظ أحمد والد حمزة على اصوات صاخبة لأكواب تتحطم فى المطبخ ....انتفض من سريره ليرى ماذا حدث ؟ ليجد ابنه الصغير حمزة وهو يقف على كرسى صغير وهو يحاول ان يلتقط كوبا ليصب فيه الحليب وكالعادة حدث الدمار اليومى المتوقع .....

هم ابيه بتوبيخه ولكنه توقف لما رأى نظرة الأسف والخوف فى عيون حمزة فضمه اليه وهو يلومه : ليه يا حبيبى ما صحتنيش علشان أحضر لك الفطار ؟ انت كان ممكن تجرح نفسك !

فرد حمزة : انا اسف يابابا انا حبيت اسيبك ترتاح اصلك كنت نايم تعبان خالص .....

فقبله ابوه وهو يقول له : ولا يهمك يا كابتن يالا نحضر الفطار سوا ....
فجمع شظايا الزجاج بحذرثم بدأ فى تحضير الافطار وحاول البحث عن اطباق نظيفة بلا جدوى فقد كانت مستقرة كلها فى قاع الحوض فى انتظار من يحنو عليها ويغسلها !!
فاكتفى حمزة وولده بكوب من الشاى وبعض الكورن فليكس لحمزة توفيرا للوقت والمجهود !! ثم خرجوا الى الصالة فى محاولة لتناول الافطار فى مكان مرتب بلا جدوى فقد كانت فى حالة من الفوضى وكأن هتلر مر بجيوشه بها منذ قليل !!!

تذمر حمزة من الفوضى وقال لأبيه بعتاب : مش كنا جبنا شغالة تعيش معانا يابابا بدل الهيصة دى كلها ؟ انا بلاقى هدومى تحت السفرة او فى المطبخ !!

فرد أبيه : ازاى بس نجيب واحدة ست تعيش معانا واحنا اتنين رجالة بشنبات كده؟ ده حرام ياعم حمزة ! وبعدين ماهى عمتو سناء حتيجى بعد صلاة الجمعة ومعاها شغالتها وح تنضف البيت وتعمل لنا اكل كمان !!

فقفز حمزة قفزة مفاجئة وهو يهتف : هييييه عمتو سناء.. عمتو سناء !! انا مستنيها من امبارح انا حكيت لها على المعرض اللى رحناه الاسبوع اللى فات ووعدتنى انها ح تطلع لى هدوم قديمة من تحت السريربتاعنا وكمان ح تجيب لى هدوم من عندها وح تيجى معايا لطنط سلمى ....يارب عمتو ما تتأخرش يارب يارب !!

فقفزت الى ذهن أبيه صورة سلمى الهادئة الجميلة بطيبتها وصدقها وهى تلعب مع الاطفال ..وهى تحتضن ابنه بحنان حقيقى حتى قبل ان تعلم بوجود أبيه فى نفس المكان ....ذكره حنانها بزوجته الراحلة التى اختطفها المرض المفاجىء من بينهم لتترك ولدا يتيما وبيتا مهملا وزوجا حائرا لا يعلم كيف يحتضن ولده ويرعاه كما كانت تفعل .....

قطع افكاره صوت اذان الجمعة ليقوم هو وولده الى المسجد لاداء الصلاة ........ثم يعود ليجد اخته سناء ومعها الشغالة التى يبدو عليها كل اسبوع التبرم من اثار العدوان الثلاثى الاسبوعى الذى يخلفه حمزة وابيه فى الشقة ولا تبتسم الا عندما يجزل لها احمد العطاء كى تحن عليهم ولا تتركهم وكان يعلم انها تستغل موقفهم هذا وتأخذ ضعف ما تستحق ولكن ما باليد حيلة !!

دخل الى أخته سناء المطبخ ليجدها تبدأ فى اعداد طعام الاسبوع له هو وحمزة فقبلها وهو يشعر بالاحراج من ارهاقها الواضح وهم يهمس : معلش يا سناء تاعبينك معانا دايما وانتى مش ناقصانا كفاية عليكى ولادك وبيتك !!

فترد عليه بطيبة واضحة : عيب عليك يا احمد ما تقولش كده هو انا بقيت غريبة ولا ايه ؟

فيرد بحرج : لا ازاى يا حبيبتى هو احنا لينا حد غيرك ؟ بس كفاية عليكى تعب ولادك وبيتك وانا عارف كمان ان جوزك زهق من زياراتك لينا وانك بترجعى تعبانة من عندنا .....

فترد بسرعة : يا خبر ابيض اوعى تقول كده تانى احسن بجد أزعل منك ....ماهو انت لو تسمع كلامى وتتجوز واحدة بنت حلال كنت ريحتنى واطمنت عليك انت وحمزة !

فرد بشرود : ياااه !! اتجوز ؟ واجيب لحمزة مرات اب ؟ الله اعلم ح تعامله ازاى وحتكون رحيمة بيه ولا لأ؟ عارفة لو كنت لوحدى ما كانتش فارقة لكن انا صعبان على بهدلة الولد لأنى مش عارف أربيه زى ما كنت اتمنى ....ولا حتى عارف اقعد معاه كتير لأن شغلى واخد كل وقتى زى ماانتى عارفة ....اجيب بقى بنت الحلال دى منين ؟

فغمزت اخته بعينها وهى تقشر البطاطس : والله خلى حمزة هو اللى يخطب لك الاطفال مشاعرهم لا يمكن تكذب ....!!

فلم يفهم تلميحها وسألها : تقصدى مين؟

فابتسمت وقالت : ياسيدى ابنك قالب دماغى بقاله اسبوع على طنط سلمى اللى شافها فى المعرض الخيرى وقال لى انها حبته اوى وطلبت منه انه ييجى يزورها وانا حسيت من كلامه كده انها حنينة وصغيرة كمان فى السن واكيد مش متجوزة لأنها عاملة معرض خيرى يعنى غالبا ما وراهاش مسئوليات زى حالاتنا ....خلينى اشوفهالك مادام الولد اتعلق بيها بالشكل ده .......

فابتسم اخوها بحنان : خلاص بقيتى سناء كولومبوس ؟ قوام عرفتى انها انسة ومش متجوزة ؟

فردت بخفة دم : بذمتك انت فيه واحدة متجوزة تبقى رايقة وعسولة وتقعد تلعب مع الولاد كده ؟ دى مش بعيد لو كانت متجوزة تاكل العيال من الغلب اللى شايفاه من ولادها فى البيت !!

فضحك بصوت عالى وسألها : ولنفترض ياستى انها مش متجوزة حترضى تتجوز واحد ارمل وعنده كمان طفل ؟

فتقمصت شخصية الخاطبة وهى ترد عليه : والله النصيب بالله بس احنا نسعى ....المهم هى حلوة ؟ وعندها كام سنة وشكلها كده بنت ناس ولا ايه ظروفها ؟

فوجد نفسه يتحدث باعجاب وهو يصفها لأخته : والله هى وشها مريح وواضح عليها الطيبة والحنان لو تشوفيها وهى مع الاطفال الايتام تقولى عليها ملاك ...ولبسها محتشم مش زى بنات اليومين دول وعمرها فى اواخر العشرينات تقريبا ......

فأطلقت ضحكة عالية وهى تصفق بأيديها : الله الله !! واضح انك ما اخدتش بالك منها خالص !! على العموم صلى كده استخارة وانا ح اخد حمزة وناخد معانا شوية هدوم مش محتاجينها وأشوفها من قريب واجس نبضها وربنا يعمل اللى فيه الخير ........

فتساءل بدهشة :حتروحى تشوفى واحدة احنا مانعرفش اى حاجة عنها ولا عن اهلها معقولة دى ؟

فردت بنفاذ صبر : هو ده معقول ؟ انا مش ح انام النهاردة الا لما اعرف كل حاجة عنها وعن اهلها ولو اى حاجة ما عجبتنيش مش ح اتكلم معاها فى اى حاجة خاصة وبعدين شفتنى جبت المأذون على الباب ياساتر يارب على الرجالة يوقفوا المراكب السايرة !!

ثم اخذث رقم تليفون شقة شيماء المدون فى الكارت وأخذت تنتظر الرنين :
فردت عليها والدة شيماء لتخبرها ان البنات انصرفوا فلم تيأس سناء وطلبت منها رقم تليفون سلمى وأخبرتها انها تريدها فى امر هام فأعطته لها ثم انهت المكالمة .......ثم اتصلت ببيت سلمى لتجد صوتا مريحا يرد عليها فى التليفون وكانت هى سلمى نفسها فعرفتها سناء بنفسها بأنها عمة حمزة :
دق قلب سلمى بعنف من المفاجأة وهى ترد بارتباك : اهلا اهلا وسهلا ازى حمزة عامل ايه ؟ ده وحشنى اوى ....

فردت سناء : وهو كمان بقاله أسبوع مالوش سيرة غيرك وكان نفسه ييجى يشوفك ممكن ؟
فردت بارتباك : اه طبعا اهلا وسهلا ....بس .......
ففهمت سناء حيرتها وقالت لها : ما تقلقيش انا اللى ح اجيبه واجى لك أصلى عندى هدوم كتير لولادى وفرصة انكم بتجمعوهم ربنا يجازيكم خير ....ممكن اجى لك بكرة بعد العصر ؟
فذابت سلمى من الخجل وهى تهمس : تشرفى يا مدام سناء .....

ثم انهت المكالمة بعجل وهى تكاد لا تشعر بقدميها من الارتباك والفرحة فى آن واحد ....هل ما شعرت به فى الايام الماضية لم تشعر به وحدها ؟ هل يكذب عليها قلبها ؟ هل تبتسم لها الايام اخيرا ؟ ام ان الاوهام قادتها الى بعيد ؟ هل ...هل .....هل ......غدا ستعلم كل شىء وما ابعد الغد !!!!

وانا غدا برده اجيب الحلقة اللى بعدها ان شاء الله

ده انا بعرف اتوقع اهو
يارب معاكى يا سلمى
وتتجوزى وتجيبى اخوات حمزة بقى
ههههههههههه
فى انتظار الحلقه بكرة يا بيوتى

شكرا لمرورك يا سيكو

جمييييييييييييييله اوي يا بيوتي
و معلش بقالي كتير مش متاعه اشغال بقي ههههههههه
و كملي يلا بسرعه

ماحدش هان عليه ودخل يقرا القصة والله حرام عليكوا دى القصة حلوة جدا ع العموم براحتكوا كفاية عليا اختى تنورنى

لحلقة السادسة عشرة

لم
تستطع سلمى النوم من قلقها من مكالمة عمة حمزة لأنها شعرت بشعور غريب لم
تستطع تحديده من طريقة حديثها الناعمة وايضا طلبها الحصول على رقم هاتفها
من والدة شيماء أشعرها بوجود شىء اكبر من جمع الملابس .....

أخبرت
امها انها ذاهبة لمنزل شيماء لمقابلة عمة حمزة التى حكت لها عنه وعن ذكاؤه
وشخصيته الجذابة .......رمقتها امها بنظرة متفحصة وهى ترى تورد وجنتيها
واشراقها وشعرت بغريزتها بوجود شىء ما ..ولم ترد سبق الاحداث فدعت لها
بالخير وطلبت منها عدم التأخر هناك ......

وصلت
سلمى منزل شيماء القريب وصعدت الى الشقة الخالية التى يجمعون بها الملابس
ولم تنس فى طريقها شراء كمية كبيرة من الحلوى والشيكولاتة لحمزة عندما
يأتى ..

وفى
الطريق كان حمزة لا يكف عن السؤال عن طنط سلمى ومتى سيصلون لها وعمته سناء
مشغولة عنه بأفكارها وسعادتها بنتيجة التحريات البوليسية التى اجرتها عن
سلمى وأسرتها...... والتى جندت فيها صديقاتها العالمات باصول الأسر
والعائلات فلم تجد الا كل خير والجميع أكد لها ان أسرة سلمى من الأسر
الطيبة المتدينة وأن الفتاة لا يشوبها شائبة وتتمتع بسيرة طيبة من الجميع
.....

دخلت
سناء الشقة الخالية لتجد أكوام من الملابس القديمة وتجد سلمى جالسة على
كرسى صغير فى هدوء ... ألقت عليها التحية وعرفتها بنفسها وهى فى الواقع
تتفحص ملامحها لتجدها ذات وجه مريح وملامح متوسطة الجمال ولكنها تبعث
بالدفء وصاحبة جسد ممشوق نحيل ...

احمر وجه سلمى عندما شعرت بسناء تتفحصها بدقة ولكن خجلها ذاب عندما احتضنها حمزة بقوة وهو يهتف بها :

-ازيك
يا طنط سلمى وحشتينى اوى انا جبت معايا هدوم كتييييير ولعب كمان ...المرة
اللى جاية انا ح أجى معاكى تانى .....ماشى يا طنط موافقة ولا ايه ؟

-فابتسمت سلمى بحنان حقيقى تدفق من قلبها من اول مرة رأت فيها حمزة واحتضنته وهى تقول : ماشى يا كابتن انا موافقة انا كمان محتاجة راجل قوى زيك كده علشان يساعدنى شوية ....

-فتدخلت سناء فى الحديث وهى تقول :
والله حمزة مالوش سيرة غيرك الاسبوع اللى فات كله وازاى انتو لعبتم سوا
وانه حبك على طول وصمم انه يشوفك تانى ...ربنا يكرمكم على مشروعكم ده اللى
يعمل كده لازم يكون قلبه كله خير ..الا قولى لى انتى خريجة كلية ايه يا
سلمى ؟

-وبدأت
سلمى تحكى لمدام سناء كل شىء تقريبا عنها وعن أسرتها وكانت تشعر بالخجل فى
البداية ثم استمر الحديث طويلا بلا قيود وكأنها تعرف سناء من سنوات والتى
بدورها أخذت تشكو لها من اولادها وشقاوتهم وأنها تتمنى لو تهاجر الى الهند
وحدها كى ترتاح قليلا من السيرك المنصوب دوما فى بيتها !!!

وأخذت سلمى تضحك من خفة دمها وطريقتها البسيطة للدخول فى القلب وشعرت كأنها تعرفها من سنوات حتى فاجأتها سناء بسؤال مفاجىء

-انا مش شايفة فى ايدك دبلة يا سلمى هو انتى مش مرتبطة ؟

-احمر وجه سلمى وقالت بصوت خافت : لسه النصيب ما جاش .......

-فضحكت سناء وهى تقول لها : طيب يا ستى انا عندى عريس ليكى انا حبيتك ودخلتى قلبى واتمنى انك توافقى انك تشوفيه على الاقل .........

-............................

-............................

-والله
الواحد نسى كسوف البنات الجميل ده شوفى يا ستى العريس هو أخويا أحمد والد
حمزة هو معجب بيكى من يوم المعرض وكمان حمزة جننا عليكى ...شوفى انا عارفة
انك آنسة وهو أرمل وعنده طفل ويمكن يكون ده صعب عليكى لكن مش علشان هو
أخويا بأقول كده لكن هو فعلا انسان ممتاز ومتدين جدا وناجح جدا فى شغله
كمبرمج كومبيوتر والحمد لله احنا عيلتنا مرتاحة ماديا يعنى مش حيكون فيه
مشاكل مادية ان شاء الله .....
وهو انسان هادى وبيحب يخدم الناس كلها زيك كده واللى شده ليكى حبك للخير
ولبسك المحترم وطبعا جمالك وأدبك ......وانا أؤكد لك انك لو حصل نصيب انه
حيسعدك يمكن أكتر من الشاب الاعزب لأنه جرب الوحدة وحيكون حريص على ارضائك
ونجاح الزواج ونفسه فى زوجة تسعده وتصونه وتتقى الله فيه وفى ابنه
....قلتى ايه يا ست العرايس ؟.......

-

-دق قلب سلمى بعنف وهى لا تعرف ماذا تقول من شدة اضطرابها وسعادتها وخوفها فى نفس الوقت ...... صمتت ولم تدرى ماذا تقول .........

-

-انا
عارفة ان الموضوع صعب لكن ياريت تفكرى وتاخدى رأى والدتك ووالدك وده كارت
أحمد فيه عنوانه وتليفونه علشان تسألوا عليه براحتكم وانا بعد كام يوم
حأتصل بيكى علشان أعرف رأيك ايه ؟ وعلى العموم لسه حتقعدوا مع بعض وتشوفوا
حترتاحوا لبعض ولا ايه ؟ وفى كل الاحوال انا كسبت أخت جميلة لى فى الله
واتمنى نكون أصحاب على طول .......

-قامت سلمى لتسلم عليها وهى لا تدرى ماذا تقول واحتضنت حمزة الذى ودعها وهو يقول فى براءة : يا ريت يا طنط تيجى تعيشى معانا على طول انا نفسى تكونى ماما لى انا لوحدى ...............!!!!!

الله جميله اوي يا بيوتي بس صغيره اوي الحلقه دي
كنا عاوزين نجوزهم الاول ههههههه
يلا بسرعه الحلقه الجديده

من عينيا هههههههههههههه
شكرا لمرورك يا بوسي

بس خلينا شوية يمكن حد يرد

اكيد انا هرد
معلش مكنتش موجود الفترة اللى فاتت غصب عنى يا بيوتى والله

وحلقه جمييييييله اوى
مش قولتلك هتتجوز ابو حمزة؟ههههههههه

هههههههههههههه
منورنى والله يا سيكو

يا حلاوة 12 يوم مفيش حلقه

فين الحلقه الجديده ؟؟؟؟؟؟؟؟؟

اااااااااااااه
اللى بعمله بيتعمل فيا
هههههههههه
لسه شوية
هههههههههههههههههههههه

لاء شويه ايه بعد كده؟
هو انا هسيبك
ده انتى زانه عليا فى كل موضوع

هههههههههههههه
طيب لسه شويتين

اه ازا كان كده ماشى
ههههههههه

للعلم قمت بالبحث عن باقي حلقات القصة على النت

ولم أجدها بحق وما زال البحث مستمرا

وقد وصلتني اخبار من مصدر ما

بأن مؤلفة القصة قد فاجئها المخاض في الفترة التي كانت تؤلف فيها الرواية

وبالفعل هي وضعت طفلها .... ولكن ....

الرواية انتشرت على الانترنت في ثوب غير مكتمل

وما زلنا في انتظار البقية

الرد ده كان اللى كاتبه صاحب الموضوع اللى انا بنقل منه القصة
وللاسف القصة مش كاملة فى اي منتدى خاااااااالص
ادعوا بقى انها تتكمل

اهههههههههههههئ
اااااااااااااهئ
اهئ كبيرة اووووووووووى
القصه دى كانت جميله جداااااااااااااااا
يارب تكمل

ياااااااااااااارب

» يوميات طلبة جامعة ...يا رب تعجبكوا
» يوميات شاب ملتزم
» يوميات اتنين متجوزين
» يوميات حسام و شيرين
» يوميات بنت فى سنه اولى جامعه