أنا مين فى دنيتى

بدور على نفسى ومش لاقيها
بدور يمكن أعرف حاجه فيها
يمكن اعرف من سنين عمرى اللى فاتت
انا مين فى دنيتى اللى انا عشت فيها
لقيت فى سنينى صوت حزين وساكت
لقيت أحلام كتير جوايا ماتت
وسمعت صوت بيقوللى دى النهايه
هتفضل عايش بس عايش بروحك اللى ماتت
وفجأة لقيتنى واقف فوق جزيره
ولقيت حوليا ناس وناس كتيرة
سألت واحد قلتله ليه الجزيره
وليه شايف جميع الناس فى عيونها حيرة
قاللى الجزيرة دى نفسك ونفسك هى الجزيرة
والناس اللى حوليك دول أيام عمرك المريرة
وفجأه سابنى ومشى وقاللى كمل مسيرة
ومشيت ما بين الناس فى سكة كانت طويلة
وكل أما أبص لحد يأما ألاقيه بيبكى يأما فى عينه حيرة
وفجأه فى ركن هادى لقيت واحد بيضحك
جريت عليه وسألته
هو أنت ليه بتضحك هو أنت مش من الجزيرة
قاللى انا يوم سعيد من أيامك القليله
وعشان تلاقى زيي هتمشى سنين طويلة

ايه يا بنتي التشاؤم ده ان شاء الله ايامنا السعيده تبقي كتيره باذن الله
بس الموضوع حلو و كلماته حلوه
شكرا يا كيتي

موضوع حلو اووووووووووى
ومعبر جدااااااا
ميرسى يا كيتى

ميرسي جدااا يا كيتى
بس بلاش تشاؤم وحياتك انا مش ناقصة

Þřįňĉễşš ķittў كتب:: وفجأه فى ركن هادى لقيت واحد بيضحك
جريت عليه وسألته
هو أنت ليه بتضحك هو أنت مش من الجزيرة
قاللى انا يوم سعيد من أيامك القليله
وعشان تلاقى زيي هتمشى سنين طويلة

قصيدة هااااايلة والله
بحب انا جدا الكلام اللى يكون مفهوم
حتى لما يبقى مضغوط وحامل معنى كبير
بس بيقى واضح
انما فى حاجات تانية كتير تقعد تلف وراها وتدور
وتنسى هوا كان عاوز ايه ههههههه
لا بجد قصيدة جميلة
تسلمى

ميرسي لمروكوا كلكوا
بوسي وسيكو وبيوتي
وميرسي يا سيمو
والله ده انت بقيت ناقد اهو
هههههههههههههههه
ميرسي لرايك الجميل

ههههههههههههه اه ناقد ومحلل رياضى ومهندس انتاح وسواق اجره
هههههههههههههههههههههههههههههههه
لا كده كتير بقى

تحفة وجميلة اوى

» وحيد فى دنيتى