يوميات اتنين مبيحبوش بعض (متجدد باستمرار)

ومن جديد لجديد وتتوالى الحصريات على منتدانا العزيز
محلات الحج سيموووووووووو
وبعد قنبله يوميات شاب روش طحن
الان مع المفاجأه يوميات اتنين مبيحبوش بعض
طبعا العنوان يقول ان دول اتنين بيكرهوا بعض وبيضايقوا بعض
الموضوع غير كده خاااااااااالص
تابعونا وهتعرفوا كل حاجه

المقدمة

ملك
النهاردة بجد يوم كئيب اوي الواحد مخنوق وزهقان
وطهقان ومش لاقي حاجة يعملها ياتري ياتري شروق بتقعد كل دة علي النت تعمل اية ياتري الشات ممتع اوي كدة للدرجادي اما اروح اشوفه
يوميات اتنين مبيحبوش بعض (متجدد باستمرار) Divider41

يوميات اتنين مبيحبوش بعض (متجدد باستمرار) Divider41

علي
الواحد زهقان
موت اية القرف دة كل البنات زي بعض انا مخنوق اوي اخويا واجوز واختي
واطلقت وحاجة تقرف ولا عيالها السخفة مفيش حاجة اعملها غير اني اقعد علي
النت وامري لله

ملك

arab chat arab chat

اهو

والله الشات عليه ناس كتير اوي بس بلاش انا ابدا بالكلام

وبيدخل واحد
bat man

:هاي ممكن صداقة

ملك:مش ناقصة قرف بلوك

وبيدخل التاني والتالت وهاكذا
يوميات اتنين مبيحبوش بعض (متجدد باستمرار) Divider41

علي
الشات كله معروف نفس الاشخاص
مش دي البت ياسمين الي شتمتها امبارح
ودي نسمة الزبالة

اية دة في حد جديد عدوة الشات(ملك)

اسمها غريب اوي

علي:هاي ممكن نتعرف

ملك:ماشي
علي:انا مخنوق ومش ناقص مالك انتي راخرة مخنوقة لية
ملك:وانت شايف حاجة تفرح
علي :تصدقي عندك حق طب انتي داخلة الشات لية انا مصدوم عاطفيا قلت افك انما انتي داخلة الشات لية بدام بتكرهيه
ملك:نفسي افضفض لحد بس مش لاقيه
علي:وانا كمان
ملك:طب احكي
علي:ماتحكي انتي الاول
ملك:لا انت
علي:لاانتي مفيش بت تمشي كلمتها عليا
ملك:لا انت قلت
علي:احنا هانبتديها من اولها خناق
ملك:ههههههه شكلها
علي:علشان خاطري معلش اكلمي انتي الاول
ملك:خلاص هانحكي احنا الاتنين كل واحد شوية
علي:اوك بس بشرط هانحكي احنا الاتنين بكل صدق ومش هانكدب علي بعض اوك

احب اشوف ردودكم وتفاعلكم علشان نكمل او لاء

يوميات اتنين مبيحبوش بعض (متجدد باستمرار) Divider41

جامد ياسوسيتى

كده انا راضى عنك اهوة

انا فكرت اليوميات دى عليا انا وانت ده انا مش طايقك هههههههه
بس طلعت واحد وواحدة فلتت المرادى
عيش ياواد لما باقى الحلقات تنزل بليز بريس بظ فور كونتاكت

جميله جدا يا سيكو كمل بسرعه بليز

كلكو بقيتوا مثقفين
وبتقولوا بليز وكونكت هههههههههههههههههه
عموما ميرسى لمروركو بس فين باقى الاعضاء؟

مش عارفه المنتدي اتملي يوميات بس يلا بقي اهو الواحد بيتسلي
يستمتع برده هههههههههههه

كمل يا سيكو شكلها يوميات جامده طحن
وكمل بلييييييييييييز

ايوة بليييييييييييييز كمل يا سيكو اوكى
ههههههههههههههه

جو اون سيكو بليز بقى
هههههههههههههههههههه

لما تبطلو بليز الاول ابقى انزل الحلقات هههههههههههههه

هتنزل ياض بالحلقات ولا اعورك

يلا يا سيكو نزل بقية الحلقات و من غير بليز

طيب يا سيكو نزلها بقى وهنبطل بليييييييييز اوكى؟
هههههههههه

فينك يا سيكو محدش بيشوفك بقالك مده يا رب تكون بخير

ما تشوف يا سيمو صاحبك ماله

انا جيت تانى يا جماعه متقلقوش
انا عامل زى القطط بسبع ترواح هههههههههههههههههههههههههه

يوميات اتنين مبيحبوش بعض (متجدد باستمرار) Z4

رجعنالكم تانى بتانى حلقه

يوميات اتنين مبيحبوش بعض (متجدد باستمرار) 22

ملك:خلاص هانحكي احنا الاتنين كل واحد شوية
علي:اوك بس بشرط هانحكي احنا الاتنين بكل صدق ومش هانكدب علي بعض اوك
ملك: اوك هتبدى انت؟
على: لا قولى انتى الاول
ملك: طيب ياعلى هحكى
تنهيده كبيره تنهدتها ملك ثم قالت
انت بتقول مصدوم عاطفيا انا كمان مصدوفه عاطفيا
على: ليه حصل ايه
ملك: حبيته 4 سنين كاملين فضلت مخلصه ليه مش شايفه حد فى الدنيا غيره
ثم صمت كثيرا
فقال على: انتى رحتى فين ... سكتى ليه ياملك
ملك: اسفه ياعلى مش قادره اكمل
على : لا لا كملى علشان خاطرى
ملك:طيب .. بعدين يعنى خانى مع اعز صديقه ليا راح حبها وخطبها
من ساعتها مبقتش قادره اثق فى حد لا اصحاب ولا حبيب ولا اى حد
بقيت مكتئبه جدا وحصلت حاجه تانيه خلتنى اتدمر زياده..
على : ايه هى
ملك:والدى ووالدتى انفصلو
على:انا اسف معلش ياملك متزعليش
بس مش ليكى حق متثقيش فى حد مش كل صوابعك زى بعضها يعنى
واكيد هتقابلى حد تانى يحبك بجد
ملك:هههه وهو فيه اصلا حب بجد فى الزمن ده
على: اه فيه وممكن يجى فى اى وقت وفى اى مكان متفقديش الثقه كده ونبى
ملك:انا نفسى اموت
على: بعد الشر عليكى متقوليش كده
ملك: وانت مالك خايف عليا كده ليه
على:لا لا عادى يعنى علشان احنا بقينا اصحاب وكده
ملك:اسفه انى نكدت عليك وانت متضايق اصلا
على : لا لا منكديش عليا بالعكس انا استريحت
ملك:متأكد
على: ايوة بس انتى مقلتليش انتى كام سنه
ملك:انا عندى 23 سنه
على: وانا كمان 23 سنه على فكره انتى برج ايه؟
ملك:انا برج الحمل وانت؟
على :انا برج الميزان
ملك:بس انت مقولتليش انت متضايق من الدنيا كده ليه
على: عايزة تعرفى..هقولك

يوميات اتنين مبيحبوش بعض (متجدد باستمرار) W6w2005042018255819dac31d

يوميات اتنين مبيحبوش بعض (متجدد باستمرار) W6w2005042018255819dac31d

ايه الحلقه الصغيره دي يا سيكو لا انا مش بحب الحلقات اللي بالقطاره دي
ابقي زودها شويه و متتاخرش علينا في الحلقه الجديده

كمل ياسيد

فين الاعضاء؟

حلوه الحلقه يا حضره العمده
معلش مخدتاش بالي
انك نزلت باقي الحلقات
ياسلام وكنت مستنيني عشان تكمل الحلقات
ده انا كده هتغر
وبلاش تزلنا كبر الحلقه شويه يا سيكو

شكل القصة حلوة من البداية
كمل بقى وزود الحلقة شوية حط حلقتين مع بعض
وما تتأخرش علينا

ايزانا من حضرة العمده
وبعد الردود الجميله من الاعضاء الاجمل فسيتم تزويد الجرعه وبحد معين علشان الادمان برضو هههههههههههههههههههههه(دكترة )
على ان يتم العمل صباح غد
علشان انا مش فاضى دلوقتى هههههههههههههههههههههههه

تصدق ان الصورة لايقة ورجل على رجل ونظام
مش فاضى يا عينى وراك مسؤليات كتير
ماشي يا حضرة جناب العمدة سيكوتون بس الحلقة تيجى بكرة يعنى بكرة بعد اذن حضرتك طبعا يا حضرة العمدة
شوفت الاحترام
هههههههههه

كما وعدناكم
ابسطى يا بيوتى

يوميات اتنين مبيحبوش بعض (متجدد باستمرار) X1pNWjjkHJ3o_ycJomUFZZLuVJlRlF3zJVGVUtCh7mhbRf67iENySIvpA2zZhqeB-a4Lym0CqYLCNZgA-ukwIN0cwo1CXCH0ISWu4qtQXj4BEXOnh8TmiUF50S34qabaYQJ3k2-vQi7lyY

يوميات اتنين مبيحبوش بعض (متجدد باستمرار) X1pNWjjkHJ3o_ycJomUFZZLuVJlRlF3zJVGVUtCh7mhbRf67iENySIvpA2zZhqeB-a4Lym0CqYLCNZgA-ukwIN0cwo1CXCH0ISWu4qtQXj4BEXOnh8TmiUF50S34qabaYQJ3k2-vQi7lyY

يوميات اتنين مبيحبوش بعض (متجدد باستمرار) 3

الحلقة الثالثة

ملك :ها يا علي احكي انت بقي لحد ما اهدي شوية
علي :حاضر ياقمر مع ان قمر دي كانت كلمتها هي بس يعني حتي كلامه بقيت بخونها فيه

ملك:يااااااااااه للدرجادي بتحبها هي كانت جميلة اوي كدة
علي:من اجمل الناس الي شفتهم في حياتي
ملك:طب احكي بقي شوقتني

علي:بصي ياستي انا هاحكيلك بكل التفاصيل لاني بجد مشتاق اعيدها اوي تاني
انا يا ستي بداية حكايتي

اني كنت في المصيف وياسلام علي جمال ايام المصيف
المهم حكايتي بتبتدي من حوالي سنةكنت قاعد الصبح في العشة بتاعتنا وجت
عربية فان كبيرة ونزلوا الاطفال والبنات وراحوا يدوروا علي سكن اظاهر
وكانوا الحقيقة شوية بنات زي القمر اجملهم رؤي
ملك:اسمها رؤي جميل اوي
علي:اوي اوي المهم جت هي وواحدة صاحبتها بكل ادب طلبوا مية لان الاطفال عطشانين

رؤي:ممكن مية بعد اذنك للاطفال
انا:عنيا
رؤي:شكرا

ورحت اجيب المية

انا:اتفضلي يا قمري
رؤي:بعصبية من الكلمة :لا شكرا مش عاوزين وانا مش قمر حد
انا:انا اسف يا انسة
صاحبتها:هات ياعم العيال هايموتوا من العطش

قعدت اضحك ساعتها اوي والاحلي ان شكلها احلو وهي متعصبة

ملك:يااااااه علي الحب كمل كمل

علي:هاكمل حاضر

المهم كان في حفلة باليل علي الشط
وطبعا انا اتشيكت علي الاخر لان انتي عارفة ان دة يوم البنات ورحت صاحبت بتاع الديجي
وقعدنا نهيص واغاني وهيصة بقي لحد ما ببص لقيتها قدامي كانت زي القمر قلت اروح ارزل عليها هي واصحابها

انا:اجمل عيون في الكون انا شفتها النهاردة
كانت معاها واحدة صحبتها قالتلي
صاحبتها:طيب يا ابو اجمل عيون
انا:مانت ظريفة اهو اسمك اية ياسكر
صاحبتها:نرمين
انا:عاشت الاسامي وانا علي
رؤي:انت هاتقفي مع البني ادم دة تاني
انا بزعيق:متحترمي نفسك انتي محدش مالي عينك ولا اية
رؤي خافت كدة واحمرت ودمعت:انا اسفة
انا:انا اسف مدمعيش مالك خفتي كدة لية

ملك:ياااه هي رقيقة اوي كدة

علي:ارق انسانة شفتها المهم صحابها مشيوا وسابوها طبعا استغليت الفرصة ورحت اضايقها شوية

انا:انتي بتتعصبي جامد اوي كدة لية
رؤي:انا اسفة مكنش قصدي
انا:ولا يهمك اسم القمر اية بقي
نرمين فجاة:رؤي
انا:بتيجي ف غير وقتك بس تعرفي اسم زي السكر
رؤي:شكرا معلش يا نرمين انا طالعة انام لاني تعبانة من السفر
انا:ليىة بس علي العموم براحتك اشوفك بكرة

وجه تاني يوم الصبح وطبعا لبست اجمل تي شيرت عندي الي بيبين العضلات
ونزلت جري من غير ما افطر ما هو لازم الحق القمر
وقعدت ادور عليها لحد مالقتها بعد ما اتقطع نفسي
عمالة ترسم علي الرمل

انا:حرام عليكي يا شيخة لفيت الشط كله عليكي دة عضلاتي خست حتي
رؤي ابتسمت بكسوف

رحت رسمتلها قلب كبير وفجاة طقت في دماغي فكرة قلت اروح للدي جي يشغلي اغنية

انا:الاغنية الي جاية ليكي اسمعيها

ورحت جري وشغلنا اغنية صابر الرباعي اتحدي العالم
وعليت عند حتة وعد مني ما احب غيرك في الوجود

انا:ها يا رورو عجبتك الاغنية اعملي حسابك هانشغلها يوم فرحنا
رؤي:فرحنا دة انت بتحلم اوي
انا:والله ما بحلم انا هاجوزك يعني هاجوزك

ولو رديتو كده وبقيتوا حلوين هنزل كمان واحده بالليل

يوميات اتنين مبيحبوش بعض (متجدد باستمرار) 524

يوميات اتنين مبيحبوش بعض (متجدد باستمرار) 524

انا رديت اهو
وشكرا عشان جبتها بسرعة ومستنية الحلقة الجاية

ههههههههههههه
ميرسى لمرورك يا بيوتى
يكملوا الاعضاء بس وهتلاقوا الحلقه اكيد

حلوه اووووي الحلقه دي يا سيكو
بس انت بتعلقنا عند الحته الحلوه ليه بس؟؟
كمل بقي

نداء الي الاعضاء كملوا الردود عشان الحلقات تنزل
اصلها حلوه اووووووي

نسيت يا جناب العمده

اممممممممم عفونا عنك علشان افتكرتى بس ههههههههه

وبعدين لازم يبقى فيه تشويق
اتصرفى بقى مع صاحبتك الى سايباكى وبتزاكر ههههههههه
ومع الادمن اما ريال فانا هتعامل معاه ههههههههههه

هههههههه برده عايز توقعنا في بعض يا سيكو
و بعدين انا كان لازم اذاكر امبارح عشان كان عندي امتحان النهارده لكن كيتي مجتش الكليه امبارح و كان عندها وقت عني عشان تذاكر
بس الحمد لله احنا الاتنين ذاكرنا و لما الدكتور سألنا جاوبنا
و الحلقه جميله جدا يا جناب العمده
و احن في انتظار ارد الادمن

الحمد لله
انكوا حليتوا كويس
اتصرفوا بقى مع الادمن ههههههههههه

سيبوا الادمن فى حاله

انا هتابع القصة دى ياسيكو وانا فى الجامعة

مش بلاقى وقت فاضى الا هناك هههههههه

بس كمل ياحوبى شكلها قصة جامدة

احم احم
كان لازم ترد يعنى هههههه
خلاص بقى بالليل الحلقه مش دلوقتى؟

ماشي يا حضرة جناب العمدة سيكوتون
طيب احنا بالليل اهو فين الحلقة
ههههههههه

هههههههههههه
خمسه كده على ما اشوف المنتدى عمل ايه فى غيابى

ميرسي لذوقكم وانتم اعضاء زي السكر

الحلقة الرابعه

وعدى اجمل نهار بسلام وجة بليل يعنى الاسواق والخروجات وافسح والمراكب
وطبعا انا كنت محدد هدفى رؤى وبس
وروحت استنهتم على العشة بليل وقعدت ماشي وراهم كل حتة بيروحوها اروحها لغاية اما جة وقت المراكب والنيل مع انى طول عمرى واد فييس
وبيحب الصرف بس ابويا طول عمره قارفنى مديلي خمسة جنية تعمل اية دى هاعزم ازاى 10 اصحابها ب خمسة جنية
اتريت انى استلف من طارق ابن خالتى خمسين جنية لحد ما اسددهملة بشويش بشويش
وقعدت ابوصلها يومها وهى قاعدة بصة الناحية التانية وعاملة مطنشة
قولت اعمل فصل رحت مودى وشى النحية التانية وهى قعدت تبصلي اوى
رحت باصصلها فجاة فاتكسفت وضحكت
بدات يوم عن يوم احبها اوى لحد ما جه اخر يوم ليهم

رؤى:تعرف النهاردة اخر يوم لينا
انا:اية طيب وانا هوصلك ازاى
رؤي:معرفش
انا:طيب انا هبقي اكلمك على تليفونك صحيح انا عمرى ما سالتك انتى منين؟؟
رؤى:انا من القاهرة من المعادى
انا:انا من 6 اكتوبر لازم هنتقابل وعد

وقعدنا نتكلم كتير وقبل ما تمشي قولتلها :رؤي

رؤي:نعم
انا:انا بحبك اوى
رؤى ابتسمت وقالت:انا عمرى ما ارتحت لحد غيرك

كنت يومها طاير من الفرحة معقولة هى كمان بتحبنى وسابتنى وسافرت وانا حصلتها بعدها بيومين
وكانت اول مكالمة بينا

رؤى:ازيك عامل اية
انا:وحشتينى اوى يا قمرى
رؤى:انت معندكش غير قمرى
انا:وانتى القمر كلة ووعد منى ما اقول لحد غير يا قمر

ملك:انت خاين الوعد اوى ههههه
على:اة للاسف

وبدانا نتكلم ف يوم لغاية ما بان عليها الفرحة اوى

انا:مالك باين عليكى الفرحة كدة لية
رؤي:جبتلك وظيفة علشان تيجى تتقدم
انا:بجد ماشي يا عمرى وجبتيها منين بقي
رؤى:جبتها من الجرايد
انا:هههههههه وانتى قاعدة بتقري جرايد علشانى
رؤى:اة المهم تكون هناك الساعه 8

واستعديت للخروج وظبط الموبايل بس مرنش وصحيت على اتصال رؤى الساعة 10

رؤى:ها يا باشا قبلوك طبعا
انا:انا اصلا مروحتش دة المنبه مرنش اصلا
رؤى:انت بتستهبل

انا:قلتلك ميه مرة مبحبش الاسلوب دة
رؤى:انا اسفه كنت عاوزاك تروح علشان تيجى تتقدم
انا:خلاص يا عمرى هحاول ادور بايدي وسنانى بس نفسي اشوفك موت ولازم اشوفك
رؤى:ازاى هشوفك يعنى
على:عرفة سيتى ستار نتقابل بكرة الساعه 7
رؤى:اوكية

جهزت نفسي وقلت اروح بدرى الحق الموزز قبل ما البت تيجى
وجت رؤى هى ونرمين وكشفونى للاسف
وراحت رؤى وهى متنرفزة الكافتريا

انا:حبيبي ماله
نرمين:ماله ياااااااااااااااا على
انا:كشفنى يالهوى كشفنى يالهوى واضايقت يالهوى
رؤى:انا بقي مضايقتش وزوقك وحش اوى
انا:احترمى نفسك دة انا بحب قمر
ابتسمت ابتسامة جميلة اوى
انا:تعرفي انك زى العسل اما بتضحكى وبحبك موت لكن لما تكشرى بتبقي زى
رؤى :زى اية بقي
انا:بتبقي زى القمر

ضحكت اوى وبدا الحب بجد ما بينا
وقعدت تجيبلي وظايف وطبعا اترفضت

ملك:صحيح انت خريج اية
على:خريج تجارة

مرة جابتلى وظيفة كويسة عند خالها واديتلى الميعاد وماروحتش لانى عارف ان النهاية الرفض
وزعلت جدا واتصلت على نرمين صاحبتها

انا:الو يا نرمين هى رؤى مبتردش لية
نرمين: معرفش بس هى زعلانة منك موت واتقدملها عريس ومفيهوش عيب وابوها شك لانها رفضت كتير اوى علشانك
انا:يعنى اية رؤى هاتتجوز

يالا مزود الجرعه اهو
ابسطو

شكلها كده هتديه الصابونة
بس هو برده غلطان شكله فرحان بنفسه وهو عاطل
ايوة كده يا سيكو كده الجرعة حلوة
هههههه

هتديه الصابونه؟ ههههههههه
هفضل انبه على القب كتير ولا ايه؟ هههههههه
يالا ميرسى ع المتابعه

ههههههههه
معلش نسيت يا جناب العمدة

معلش ياسيكوتون انا هتابع الحلقات دى فى صمت

بس انا معاك بقلبى وروحى وبإتنين غفر عندك عالباب لحد انتهاء فترة العمودية

ونديلك كلنا الصابونة

ده انت مش هتاخد صابونة واحدة

شكلك هتاخد كرتونة صابون ههههههههههههههه

حلوه يا سيكو ما تبقاش تتاخر علينا تاني

ميرسى لمروركم كلكم
صابون
طب طيب
انتا نهايتك قربت على فكرة هههههههه

ههههههه
طيب ايه رأيكوا فى كرتونتين ونخلص
ههههههههههه
بهزر طبعا احنا نقدر نستغنى عن حضرة العمدة سيكوتون
وحط الجزء الجديد بقى

كرتونتين يا نهار ابيض
بقى كده ههههههههههه
تاخير يومين
يالا علشان تبقوا تجيبوا فى سيرتى

ههههههههههههههههههه
ماشي يا عمدتنا عدي اسبوع علي فكره
هههههههههههه

المعني في بطن الشاعر
هههههههههههههههه

هههههههههههههههه
اكيد سيكوتون مستنيني ارد
حلقه جامده جدا يا سيكو و القصه شكله حلوه جدا

كمل بقى يا عمدة خلاص خليها كرتونة زى ما سيمو عايز مش صاحبك برده
شكله بيحبك اوى
هههههههههههههه

الحلقه انهارده مصورة وجامده جداااااااااااااااااا
اسيبكو تعيشوا معاها بقى

يوميات اتنين مبيحبوش بعض (متجدد باستمرار) 3

الحلقة الخامسة

اتنرفزت يومها اوي معقولة رؤي حبي الاول والاخير تعمل كدة تسيبني تكون لحد غيري
واتصلت بيها كذا مرة مبتردش لحد اخر مرة
ردت
انا:انتي فين يا رؤي عاوزك ضروري
رؤي:حاضر ياعلي هانتقابل فين
انا:قدام عمرو صاحبي في السنتر ما انتي عارفة ونروح الكازينو الي هناك اوك
رؤي:ماشي يا علي بكرة علي 8 كدة

وجه تاني يوم وجت رؤي
انا:الخبر الي سمعته صحيح
رؤي:ايوة صحيح
انا:اية انت بتقولي اية انت بتكلمي كدة لية
انتي بتبعيني ياعمري انت يالي اغلي حد علي قلبي
انتي يا رؤي

رؤي:ببيعك انا برضه انا الي بعتك قولي خطوة
واحدة عملتها من ساعة ما حبينا بعض قولي خطوة واحدة
قمت بيها من ساعة ما سيبنا بعض كل الي همك نفسك نقضيها
رسايل ومكالمات وحب وخلاص واولع انا بقي صح ولا انا غلط
انا:ازاي يا رؤي انا حبيتك اوي بس هاعمل اية انت عارفة ظروفك
رؤي:ظروفك كان بايدك تشتغل بس انت الي سبتني سبتني ولاهمك شيء
انا:رؤي انا بحبك اوعيي تقولي كدة ازاي هاتحبي غيري مش هاتعرفي صدقيني مش هاتقدري
انتي حبيبتي وبنتي انت عمرك ما عرفتي الحب غير مني تبقي بتضحكي علي نفسك لو افتكرتي غير كدة
رؤي:محدش ضحك عليا غيرك انت ياعلي تقدر تقولي اقدمك
لاهلي ازاي تقدر تقولي فين الفلوس الي جاتلك وهاتشارك بيها صاحبك تقدر
تقولي مسافرتش عقد برة لية
علشان انت اناني مبتفكرش غير في نفسك قلتلي هاتحدي
العالم كله علشانك متحدتش حتي نفسك فاكر ياعلي كل مجهودك تقول كلام حلو
وخلاص دة الي تقدر عليه بس للاسف مينفعش ياعلي تعرف انا بعد عشرين سنة
هاجي الاقيك قاعد عند عمرو في المحل نفس القعدة عمرك ما هاتتغير

يوميات اتنين مبيحبوش بعض (متجدد باستمرار) Up-24d8c5ac4c

يوميات اتنين مبيحبوش بعض (متجدد باستمرار) Up-24d8c5ac4c

انا:بصي يارؤي هاقولك حاجة لو انتي ليا ولاحاجة تفرق بنا ابدا في جملة مشهورة بتقول

"اذا احببت شيئا بشدة فاطلق سراحه فان عاد فهو لك وان لم يعد فهو ليس لك منذ البداية"

ومشيت رؤي وسابتني وعرفت بعديها من نرمين صاحبتها ان فرحها بعد شهرين

ومشيت الامور عادي
لحد ما في يوم قبل فرحها لقيتها جايالي عند عمرو في السنتر

انا:رؤي مالك في حاجة حصلت
رؤي:مش انت قلت اذا عاد لك فهو لك منذ البداية
وانا عمري ما كنت لغيرك منذ البداية عمري ما حبيت غيرك ولا هاحب غيرك
انت حبيبي الاول والاخير ياعلي
انا مستعدة اعمل اي حاجة علشانك
انا:للاسف يارؤي معدش ينفع معدتيش ليا
رؤي:لا انا ليك انت غصب عن الكل ولا اية ما ترد انت ساكت لية رد
انا:بصي ياحبيبتي انتي هاتعيشي مع الشخص دة في سعادة اكتر مني انا مكدبش عليكي لسة قدامي علي الاقل ست سنين علشان اقدر اتقدم
رؤي:طب سافر عقد برة اشتغل في اي شغلانة هنا اي حاجة
انا:واتبهدل
رؤي:طب وانا ياعلي هاتسيبني خلاص ماترد انت ساكت لية !!!...........

علي انت اظاهر مبقتش تحبني انا غلطانة اني جيت و....
انا:كفاية يارؤي لحد كدة امشي يا اغلي من حبيت

وسيبتها
يوميات اتنين مبيحبوش بعض (متجدد باستمرار) 00c195ca20f2d49fe2e159exw4

يوميات اتنين مبيحبوش بعض (متجدد باستمرار) 00c195ca20f2d49fe2e159exw4

ويومها بعتتلي رسالة فيها اغنية لعمرو دياب اول مرة اعرفها

صدقتنى ان انت كنت عليا غالى صدقتنى
وعرفت ايه معنى انشغالى
صدقت ولا محتاج تفكر ولا عايزنى أقولك أكتر
والله مكان على بالى كل اللى بيجرالى
قلبى اللى عاش فى هواك مبقاش خلاص ملكى
بقي ليل نهار وياك من فرحته بيبكي
صدقت ولا محتاج تفكر ولا عايزنى أقولك أكتر
والله مكان على بالى كل اللى بيجرالى

وجه تاني يوم فرحها ورحت علشان اشوفها كانت زي القمر بس قمر حزين اوي ومكسور اوي اوي
انا:روحي يارؤي يا اجمل من احبت عيوني

يوميات اتنين مبيحبوش بعض (متجدد باستمرار) 532621

يوميات اتنين مبيحبوش بعض (متجدد باستمرار) 143421

ملك:يااااااااااااه دة اكيد كان موقف صعب اوي وعملت اية بعدها

علي:ملقتش غير عمرو اروح اقعد عنده اظاهر ان كلامها كان صح

هههههههههههه

ملك:هههههههه ومشفتهاش بعد كدة تاني
علي:لا شفتها النهاردة ودة سبب حزني شفتها هي ونرمين وكانت في محل رضع
وجت نرمين سلمت عليا وقالتلي ان هي فعلا حامل في ولد وقالت كمان ان هي هاتسمي علي
حسيت ان انا خسرتها اوي اكتر واحدة حبتني في حياتي ودة كان اول يوم نشوف بعض ومنكلمش بعض وسابتني اجمل واحدة في الكون
ملك:وحسيت باية لما شفتها
علي :افتكرت

وافتكرت لما جت عيني في عينو .. سنيني معاه
وافتكرت وعد كان بيني وبينو .. زمان خدناه
وافتكرت مسكتو في إيدي .... وإيدي خلاص سيباه

ياااااااااااااااااااااااه
حرااااااااام عليك يا سيكو ده انا عيطت وانا بقراها الحلقه دي
بس جمييييييييله اووووووي ومؤثره اوووووووووي

ميرسى لمرورك الجميل
يا ملكتنا فى الماضى والحاضر وباذن الله فى المستقبل

يااااااه
بس على فكرة رؤى عندها حق هو معملش حاجة يأكد بيها حبه ليها وتفضل كمان مستنياه 6 سنين هو العمر فيه كام سنة
يلا
ومستنيين الحلقة بعد الامتحانات زى ما اتفقنا

دى كمان بعد الامتحانات؟
طب راى الاعضاء ايه؟
طبعا لو مش موافقين همشى كلام بيوتى برده
ههههههههههههههههههههه

» يوميات اتنين مخطوبين متجدده باستمرار
» يوميات اتنين متجوزين
» تريقة شــــــــوووووووووو( متجدد باستمرار)
» يوميات شاب روووووووووووش طحن متجدد بأستمرار
» مطبخ المنتدي (متجدد باستمرار)