سخافات معاكسة الشباب للبنات

في الحي الشعبي ..بسبس ههههههههه

في الحي الراقي . . توت..تيت..تات

طبعا مافيش بنت إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .

المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .

المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت حقارة طبعا .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان

معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان .

* رأي بعض البنات

1. أكره المعاكسات موت وبكره أكتر الرأي
اللي بيقول البنات تحب تتعاكس يعني هي البنت هتعرف قيمة نفسها من كلام واحد
فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .

2. والله معظم مرتبي بصرفه في تاكسيات المخصوص
علشان أرحم نفسي من شباب النواصي وبعدين أنا مش عارفة البوليس فين منهم وفين
سيارات الدورية الراكبة ماهو كل ده برضه ممكن يضمن سلامة البنات في الشارع .

3. بصراحة أنا ما بحبش المعاكسة لكني فاكرة ان شاب عاكسني
فضحكت وكان طبعا غصب عني لاقيته خارج من زجاج عربيته وبيقولي . . أكيد ماما كانت
نحلة علشان تخلف العسل ده . . ومرة تانية كنت لابسة طقم احمر ولاقيت مجموعة شباب
زفوني أهلي . . أهلي .

4. الفراغ يعمل أكتر من كده وبعدين المعاكسات دي نوع من أنواع البجاحة والتعدي على
حرية الآخرين والتطاول عليهم فعلا عايزين قانون يغلظ من عقوبة المعاكسات التي
انتشرت مفزع داخل شوارعنا .

5. كنت مرة مع ماما خارجين وبعدين لفت نظر ماما واحد قد
والدي في السن بيراقبنا في الرايحة والجاية وبدأ في معاكستي واستفزازي فما كان من
ماما إلا أنها خافت جدا وأخدت رقم العربية واتجهت إلى أقرب قسم شرطة وحررت له
محضرا وهنا تم استدعاؤه لكنه طلع راجل مسئول وواصل قوي وطبعا اتقلب المحضر ضدنا
وطلعنا احنا اللي بنعاكسه ودفعنا غرامة مالية بعد أن قرر التنازل ومن ساعتها بتعاكس ولا
بقول كلمة واحدة ياللا خلي الشباب يعيش علشان خاطر مراهقة المسئولين اللي زيه .

* رأي بعض الشباب

طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
المحجبات معصومات من المعاكسة نشوف .

1. طبعا ملبس البنت يستفزنا ( واخدين بالكم المعاكسة اضطرار ) قالو الملبس ده حرية
شخصية قال : لا البنات اللي بتلبس ملبس خارج عايزة تتعاكس فخلاص خليها تتعاكس .

2. أنا شخصيا ضد المعاكسات . . يعني ايه أعاكس بنت
بسبب مظهرها . .أعتقد إن إشارة تعد على حرية الآخرين أنا بقول ان الشاب اللي اخد
على المعاكسة بيعاكس حتى المحجبات أنا عندي صديق غاوي يعاكس المنقبات . .ده
سلوك فردي لا يحركه تصرف الغير . . دي مبررات خايبة للشباب المستهتر .

3. احناما بنفرقش في المعاكسه بين محجبة وغير
محجبة المعاكسة روشنة بنعملها أثناء تجمعاتنا الشبابية . .يعني بنساعد بيها بعض . . لكن
لما اكون بمفردي مش ممكن أعاكس !!

***************

أية رأيكم فى الكلام ده ...؟
ويا ترى هل هناك مبرر بأن يُهين الأنسان نفسة .......؟؟؟
طبعا يا جماعة ده كله كلام عادي كلنا عارفينه لكن من الغير عادي معاكسة البنات للشباب ولا إيه رأيكم؟

موضوع جميل جدا جدا
وميزته طرح القضية بوضوح وصراحة
ويارب الناس تستفاد منه ويهديهم

طبعا يا جماعة ده كله كلام عادي كلنا عارفينه لكن من الغير عادي معاكسة البنات للشباب ولا إيه رأيكم؟

بالنسبة للجملة دى
انا مش موافقك فى الرأى
بجد بجد بجد وعن تجربه معايا ومع ناس كتير
ده اصبح شىء عادى بالنسبة لبنات كتير ربنا يحفظنا منهم ويهديهم
ووالله انا اكتافى بقت بتوجعنى جدا ومعدتش بقدر احرك ايدى براحتى زى الناس الطبيعية
من كتر مابقيت بضمهم حواليا ساعة اما بنت تعدى جمبى فى مكان ضيق وزحمة وهيا مابتوسعش
بجد دى اكتر حاجة بتخنقنى جدا وبتخلينى اغير نظرتى فى ناس كتير شوفتهم

والحمد لله انا شايف ان اليومين دول شباب كتير جدا عرفوا ان المعاكسة دى هيافة
وبتضعف من شخصيته

ربنا يهدى شباب وبنات المسلمين
وشكرا ليكى يالفلى على موضوع الجميل

موضووووووووع حلو جدا يا لوفلى
وحكاية الجزمة الحمرا دى انتشرت اوى اوى انتى هتقوليلى يا لوفلى
وبقى فيه كمان اللى بيغنى اغنيه تامر حسنى اللى كانت فى فيلم سيد العاطفى
وفيه حاجة ظهرت جديدة بس افظع كمان من المعاكسة بالكلام
ان انتى تبقى ماشية فى امانة الله ويا سلام بقى لو سرحانة وتلاقى فجأة واحد معدى جنبك ويقوم موطى فجأة قال ايه بيربط رباط الكوتشي وطبعا انتى هتفتكري انه هيعمل حاجة تانية تقومى تتخضى وممكن كمان تصرخى فى وسط الشارع حصلتلى كتييير اوى
وبرده حكاية انه يملى موبايله بصوت عالى فى وسط الشارع
كلها اساليب مستفزة جدا جدا
وحقيقى انا بزعل على شباب مصر لما بشوفهم كده
شكرا جدا ع الموضوع الجامد ده يا لوفلى

كله كوم والميكروباص كوم تانى
ههههههههههههههههههههه
وبكأنهم بيتلصقوا فينا هههههههههههه
بس بصراحه انا عمرى ما عاكست ولا حتى مؤمن بالمعاكسه
لان انا ليا اخت واللى له بنات يخاف على بنات الناس
ده غبر انها فعلا هيافه وتفاهه كمان
لكن مانكرش فى بنات كتييييييير بيبقوا حابين كده

انما ان بنت تعاكس ولد دى قمه البجاحه
والحمد لله مش حصلت معايا ولا هسمح انها تحصل معايا

موضوع حلو اوى اوى يا لافلى
وفعلا بيناقش مشكله اجتماعيه كلنا بنمر بيها

على فكرة فيه بنات كتير بتعاكس وبتجيب ارقام ولاد وهمه اللى بيبتدوا يكلموهم وشايفين ان ده عادى وانا اعرف واحدة كده
بس انا من ساعة ما عرفت مش بمشي معاها خااااااااااالص

دايما محترمه يا بيوتى كدهو والله

اه طبعا يا سيكو مش اختي

3. احناما بنفرقش في المعاكسه بين محجبة وغير
محجبة المعاكسة روشنة بنعملها أثناء تجمعاتنا الشبابية . .يعني بنساعد بيها بعض . . لكن
لما اكون بمفردي مش ممكن أعاكس !!

***************
بجد موضوع جميل جدا يا لوفلي
جزاكي الله كل خير عليه

هو انا اقدر اقول حاجه؟

لا طبعا متقدرش هههههههههه

بس بقي هو انا كل اما ادخل موضوع الاقيكوا ناقر ونقير
هههههههههههههههههههههه

موضوع جميل يا لافلي
ومناقش الموضوع بصراحه ووضوح
وطريقه ظريفه

فعلا معاكسه الولاد للبنات زادت اوووووووي اليومين
دول عن الحد المعقول
كفايه انها بقت في الكليات
ازاي ولد يضايق زميلته ويعاكسها انا معرفش
وممكن كمان يكون معاها في نفس الدفعه
ونفس السكشن بجد بقت بجاحه وقله ادب

اما بالنسبه لمعاكسه البنات للولاد هي موجوده
وشفتها فعلا كتير
بس اكيد بنسبه اقل مقارنه بالولاد

ايه ده ؟
عندنا فى كلية هندسة حد بيعاكس ؟
سخافات معاكسة الشباب للبنات Icon_exclaim

اومال انا لما بعاكس مش بعاكس فى كليتنا ليه وبروح عند آداب
هههههههههههههههههه
لأ مش قصدى انا اقصد ان كليتنا الحمد لله محترمة جدا جوا الكلية بس
ييييييييييييييييييييييييه ايه الكلام اللى انا بقوله ده

بصوا لو حد عمل حاجة
ابعتولى اسمه فى مسدج ورجالة هندسة هتتصرف
لأنى لو زودت شوية فى الكلام هتفضح
لسانى ده مودينى فى داهية

هههههههههههههههههههههه
في حد في هندسه بيعاكس
ده انت طيب يا سيمو وعلي نياتك
شكلك مش بتنزل الكليه كتير بس
ههههههههههه

اه و الله يا كيتي فعلا شكله مبينزلش الكليه خالص بالشكل ده

ده انا بايت هناك
هههههههههههههههه

بس انا اللى الحمد لله اللى وسط زمله واصحاب محترمين
ولو حد فكر او حاول يعاكس وهوا معايا ياويله
انا اللى اعاكس بس ههههههههههههه

يعنى من الاخر فى هندسه
فى معاكسه ولا لاء؟
ههههههه

ههههههههههههه
ربنا يبارك فيك يا سيمو
و اكيد فيه يا سيكو
المعاكسات بقت في كل حته دلوقتي

الحمد لله إن الموضوع عجبكم وأكيد أنا مش أول
واحدة تتكلم فيه ربنا يهدي الجميع
وشكرا لردود

بجديالافلى موضوع تحفة وفعلا بقت ظاهرة منتشرة فى مصر كلها وفى الارياف اكتر كمان ماشاء الله على الولادعندنا حتى الولادبتوع الحضانة بيعاكسوا

هههههههههه
حتي الارياف
وكمان بتوع الحضانه
انا مش قلتلكم معدش فيه حاجه اسمها براءه اطفال محدش صدقني
صدقتوني دلوقتي

طبعاياكيتى اصلا دلوقتى مش بقى حاجة اسمها اطفال

ههههههههههه
انا كده صدقت
ده انا عمرى ما وقفت فى حياتى مع بنت ولا حتى كلمت بنت
الا لما دخلت الجامعه
ه انا كنت طفل حلو اووووى
قول للزمان ارجع يا زمان
هههههههههههههه

لو رجع الزمان يعنى ياسيكو عايز تفهمنى انك كنت بردو هتعمل حاجة لاطبعا

هههههههههههههههههه
لازم الاحراج ده يعنى
وانا اكيد مش هعمل حاجه لانى محترم
مش اوى يعنى ههههههههه

طبعامش هتعمل حاجة لانك شخصية محترمة جدا جدا جدا

» صرخه الم للبنات فقط
» اكسبي احترام من حولك(للبنات)
» مجموعه لفات طرح تحفه اووووي للبنات
» تريقة ع الشباب ومحدش يزعل
» تحدى كبير بين الشباب والبنات