اتقوا الله في العزاء

اسمحوا لي ان اعرض هذا الموضوع عليكم:-

انا هبدأ كلامى بمفهوم كلمه عزاء.. يعنى ايه عزاء:-

العزاء:-
هو الحمل على الصبر على الميت ..بذكر ما وعد الله تعالى من الثواب .. والدعاء للميت بالمغفره ..ولصاحب المصيبه بجبر مصيبته

والعزاء سنه:- ما من مسلم يعزى اخاه من مصيبه الا كساه الله من حلل الكرامه


**لكن
للاسف اللى بيحصل غير كده خالص ..العكس تماما.. اللى بيخلينى اقول كده
اللى شفتوا عندما ذهبت الى تعزيه صديقه الطفوله فى والديها
هحكلكو الحكايه:-


اولا:-
اول لما رحتلها ما سمعتش صوت القران الكريم ذى ما متعوده اسمع فى اى عزا
..وده ليه لان الموجودين كان صوتهم اعلى من القران اللى شغال


بعد
كده اعدت ادور على صاحبتى علشان اواسيها ..بدور لقيتها فى المطبخ بتعمل
اكل ..فبدات اساعدها..وعايزه اقولكو ..اننا اعدنا طول اليوم فى المطبخ
بنحضر الاكل.. او شاى ..طبعا كل نصف ساعه تقريبا كنا بنعمل شاى او بنغسل الكوبيات
وطبعا
الاكل ماكنش لصاحبتى واسرتها ..لانهم ما كنش عندهم نفس يأكلو او يشربو اى
حاجه ...لكن الاكل ده كان للناس اللى المفروض انها جايه تعزى


انا حسيت وقتها انه مش عزا .. حسيت انهم جايين فرح او رحله

***واكتر
كلمه بضايقنى لما تعزم عليهم بالاكل يقولو " هو ده وقت اكل ... هو حد ليه
نفس ياكل" .. وبعد الكلمتين دول يقعدوا وبياكلو عادى.. بزمتكوا مش حاجه
تضحك

ثانيا:- انا اللى اعرفه ان العزا بيتعمل علشان الناس ...تتعظ .. وتتذكر الموت .. وان الموت هو حقيقه هيمر عليها كل البشر

والمفروض كمان انهم يواسوا اهل المتوفى ويصبروهم ..لكن للاسف الشديد انا لقيت غير كده خالص ...

لاقيت
ناس بتتكلم على بعض ..وبتنم على الاخرين فلانه سويت ..وفلان عمل ..طيب حتى
سيبوا اهل المتوفى فى حاله وكفايه عليهم وجيعتهم .. لأ تيجى ازاى ..والله
اهل المتوفى ما سلموش من لسانهم هما كمان ...
اتكلمو على بنتهم انهما يعينى لسه ماتجوزتش ..وكأنها انسانه مريضه


((ده
كلام ينفع يتقال فى عزا او حتى فى قاعده عاديه .. ده فى الاول والاخر
..رزق من ربنا .. ولكن ده مش موضوعنا .. لانى هتكلم عن الموضوع ده
بالتفصيل بعد كده))


** المهم تخيلو بقئ بعد ما وقفت صاحبتى طول
النهار فى المطبخ بتعمل الاكل .. وكانت مرهقه جدا وتعبانه ..لانها منامتش
بقالها يومين .. دخلت عليها واحده من المعزيين .. وتخيلو طلبت منها
ايه..ياريت تحمرى الفراخ لاتى مش بحبها مسلوقه ..بالله عليكو تعمل ايه
..وعلى الرغم من كده صاحبتى ماتكلمتش ..وسمعت الكلام ..وعملت اللى الست
طلبته


**************انا ليه حكيت الحكايه دى********************

يا جماعه انا عايزه نتقى الله فى بعض ..ونراعى الاوصول ..واداب الاسلام..ونحس باوجاع بعض.. يعنى ما ينفعش كده

ياريت لما نروح نعزى نتجنب الاتى :-

(1) مش لازم ناكل ونشرب

(2)ياريت ما نطولش فى القاعده لانهم بشر وعايزين يستريحوا

(3) لا داعى للبيات

(4) مراعاه اداب الحديث اثناء العزاء ..فلا داعى للنميمه

(5)الاستماع الى ايات القران الكريم وتدبرها

(6) ممكن كل واحد من الموجودين يقرأ جزء من القران الكريم

(7) اذا امكن احضار رجل دين ..ليلقى درس دينى على الموجودين..للموعظه

(8) ياريت نبطل كلمه البقيه فى حياتك.. لان البقاء لله وحده


(9) وطبعا الصويت واللطم حرام طبعا .. لان ده بيسبب فى تعزيب المتوفى


*اما بالنسبه الى :-

*****************ما يستحب فى العزاء***********************

((1)) يستحب ان يعم التعزيه اهل الميت.. صغيرهم وكبيرهم.. ذكرهم وانثاهم.. ولكن لا يعزى النساء .. الا.. النساء


((2)) يقال فى تعزيه المسلم:- اعظم الله اجرك واحسن عزائك وغفر لميتك ..او اخلف الله عليك

((3)) ويقال للمسلم فى الكافر :- اعظم الله اجرك وصبرك واخلف عليك ... ولا يقال غفر الله لميتك..لان الله لا يغفر الكفر


((4)) تكون التعزيه فى ثلاث ايام ... وبعد الثلاثه مكروه لانها بتسبب الحزن .. وقد جعل رسول الله "ص" نهايه الحزن ثلاثه

ففى الصحيحين :- " لا يحل لامرأه تؤمن بالله واليوم الاخر ان تحد على ميت فوق ثلاث ..الا على الزوج اربعه اشهر وعشرا

ويستثنى من ذلك ما اذا كان المعزى غائبا فأنها تمتد الى قدوم الغائب

يارب تكون الفكره وصلت

موضوع جميل جدا ياكيتى
جزيتى عنه الف خير
واحلى حاجة فيه
انك انتى اللى عاملاه بنفسك وسرداه بإسلوب رائع جدا

وبالنسبة لحالة الوفاة اللى كانت عندى
انا الحمد لله مبعرفش احزن على ميت بالشكل اللى يموتنا احنا ده
وافتكر ان يوم وفاة والدى معيطتش وقولت الحمد لله
انا لله وانا اليه راجعون بس ساعة لما بحن اه اكيد بعيط
بس مش قدام حدا
وانا لما ميشو وسيكو جولى كان كل همى انى مخليش فى حالة حزن مابينا
ولا اقلبها غم
خليتهم على راحتهم
وكنت عاوز اغديهم عندى
علشان يغسلوا الصحون اللى ما اتغسلتش من الصبح
ههههههههههههههه
ولما كنت مع اهل المتوفية
وشى كان عليه ابتسامه اخدتها من اخ من اخواتها عجبنى اوى فى كده
وكنت على طول قاعد بواسى فيهم حتى ابنها قعدت معاه اهدى فيه وافهمه واخليه يستهدى بربه

لكن فعلا الهم الاكبر وشغلنا الشاغل انا وابناء المتوفية
مخليناش واحدة تفتح بقها ولا واحدة تعيط
خصوصا ان العزا كان فى قرية بس بفضل الله حافظنا على كده
ودى اكتر حاجة كانت مفرحانى اليوم ده
بس كنت زعلان اوى انى معملتش ده مع والدى
بس يمكن علشان كنت صغير

شكرا عالموضوع الجميل يابرنسيس جناب العمدة
والبقاء لله
وهوا الواحد الدايم
ومفيش لاسطلة ولا منصب هينفعوك يابن آدم
حتى ولو كنت عمدة
ههههههههههههههههههههههههههه