ادخل هنا لو عندك اي مشكلة او موضوع عايز تناقش الاعضاء فيه

انا بقى عندى موضوعين عايزة اتكلم فيهم وهنبتدى بالاولانى


عايزة اعرف رايكم فى التوافق اللى يبقى مابين الزوجين

يعنى مثلا لو البنت دكتورة او مهندسة ومتقدملها عريس فرضنا مثلا انه فى تجارة او اعلام او اى كليه تانية
غير طب او هندسة

والعريس ده ما يتعيبش الا فى الكلية بس وانه لازم الدكتورة ياخدها دكتور والكلام ده

انا بقى مش مقتنعة بالحكاية دى ومش لازم ان البنت طالما دكتورة انها تتجوز دكتور

وانا وماما قعدنا اتكلمنا فى الموضوع ده ييجى اكتر من ساعة وفى الاخر لا اقنعتها ولا هى اقنعتنى

فانتوا بقى يا تقنعونى يا اقنعكوا

هههههههههههه
اول حاجه انا عاوز اشيد بفكرة الموضوع الهايله
انما بالنسبه للاقناع فانا هقنعك اهو
بوصى يا بيوتى فى الاول وفى الاخر الموضوع بينطبق لشخصيه البنت
ازااااااى؟
وهنا بتتقسم لتلت اسباب
الاول: انها مجرد بس عاوزة الناس تقول الدكتور او الباشمهندسه راحت او جت وهى فى الحاله دى مجرد بس عاوزة القب وتتبسط بيه وتحس انها حاجه فى المجتمع وفى الحاله دى بردو بيبقى املها فى العريس اللى هياجى ياخدها من بيت باباها ويعيشوا مع بعض فى تبات ونبات

التانى :انها اجتهدت ودخلت كده علشان منظرها قدام الناس ورقيها الاجتماعى مش مجرد الدكتورة راحت وجت
لاء هى عاوزة يبقى ليها شان كبير اوى فى المناظر (فى نظرها يعنى) وفى الحاله دى هى مش بتقبل الا دكتور زيها او مهندس وكده علشان تبقى الدكتورة حرم الباشمهندس
او الباشمهندسه حرم الدكتور وما شابه
وهنا بقى ممكن تعمل ده
او للاسف متلاقيش كده وبالتالى هتضر انها تتجوز حد عادى وساعتها هيبقى فى مشكال كتيييييييييييير لانها هتفضل طول عمرها تزله بعلامها
التالت: وهنا بقى البنت فايقه لمصلحتها جداااااا ممكن تكون عندها عاطفه الامومه بس مش حاسه بيها اوى بسبب شغفها فى العلم وبتفضل تقضى طول حياتها فى العلم وتبقى دكتورة فى الجامعه وكده وساعتها ممكن يغرها الزمن ومش تتجوز وتقضى حياتها للعلم

تقبلته ههههههههههه
شكرا لمرورك يا سيكو بس انا عايزة اقول بقى ان الموضوع ده ما يفرقش معايا والبنت لو بتحب اللى اتجوزته ده بجد يبقى عمرها ماهتذله بعلامها زى مانت بتقول يا سيكو

وانا عارفة ان دماغى دى هتودينى فى داهية بعد كده وهتعمل مشاكل كتير فى المستقبل القريب
ادعولى بقى ربنا يهدينى ولحد دلوقتى انا مش مقتنعة
ومستنية حد يقنعنى

هههههههههههههههه
مانا عارفة انها هتودينى فى دواهى بس انا كده دماغى عاجبانى لانها مختلفة عن دماغ معظم الناس

هنتكلم فى الموضوع ده بعدين
ههههههههههههههه
المهم بس الاعضاء تحاول تحل مشكلتك

هوا الموضوع جميل جدا جدا جدا
واحييكى عليه بجد

بس انا رأيى هيتأخر شوية
لأنى جاى تعبان اوى النهاردة

يا مواضيعك يا بيوتي والله حلو الموضوع
وحلوه الفكره

اقولك يا جميله رايي
اولا خلينا نتفق ان في الاول والاخر ده نصيب من ربنا سبحانه وتعالي
ثانيا سيكو قسملك الموضوع بطريقه جميله
وهو غالبا ده التقسيم الصحيح
بس هقولك علي حاجه تانيه
هي مش قاعده اصلا عشان انا مثلا اقنع بيوتي او بيوتي تقنعني بوجهه نظرها
كل واحد منا بيكون ليه تفكير خاص بيه
انا معاكي اني مثلا مش عشان انا مهندسه
اني مش لازم اتجوز مهندس او دكتور
ممكن يكون محامي خريج تجاره مثلا
بس يعرف يحترمني واحترمه
بس في بنات تفكيرها مش كده
وبصراحه انا ضد الفكره دي

بس عارفه كمان الاولاد اغلبهم علي فكره
مش بيحب يرتبط بواحده يحس انها في منزله اعلي منه
الا من رحم ربي

وعندك مثلا علي سبيل المثال
في الاولاد الدكاتره معظم الولاد يقولك مش عاوز دكتوره
هاخد اي حاجه غير الدكتوره عشان تعرف تاخد بالها مني ومن البيت والكلام ده
وفي اولاد تانيه
تقولك لا انا عاوز دكتوره يعني برستيج وكده ويبقي عندهم عياده ليهم مع بعض

المهم يعني في الاخر اللي عاوزه اقولهولك
دي وجهات نظر متحاوليش تتقتنعي
براي معين لان كل حاله وليها ظروفها الخاصه بيها
بكره تدخلي الجامعه يا بيوتي كلها كام سنه
واشوفك في كليه اد الدنيا انتي تحبيها
وتسمعي اغرب الحكايات والروايات وقصص حب
منها بيكمل ومنها مش بيكمل

بس اقولك علي حاجه
غالبا اولياء الامور بيشوفوا اللي احنا
مش شايفينه لسه
عشان اكيد خبرتهم اكبر مننا

هيا المشكلة فى رغيف العيش وكوباية الميه
هههههههههههههه
والله لو ركزتوا هتلاقوا كلامى صح
بس ماعلينا

رأيى يابيوتى قايم على حاجة
ان الجواز ده حياة جديدة لفردين
هيعتمدوا على نفسه
بس المركب اللى بريسين تغرق
فطبعا بما ان الرجال قوامون على النساء
يبقى لازم الراجل اللى هتتجوزه البنت تكون فيه الصفة دى
انه يقدر يعيشها ويفتح بيته ويحافظ عليها وعلى حياتهم
مش اللى اقصده المادة
لأ انا اقصد حياة كاملة متكاملة

هنيجى مثلا لواحدة ارتبطت بواحد اقل منها فى مستوى التعليم
ماشى ايه اللى خلى مستواه ادنى فى التعليم
ظروف . مشاكل . موقف حصلة
اوك الحمد لله خير بس بعدها
قدرت تثبت نفسك
تبقى تلزمنى ومفيش حد هينفعنى غيرك
قولت خلاص مش فارقة
مامتك عندك اهى روح اقعد جمبعا
الحاجة التانية ان البيه يكون مضيع ومش دماغه العلام
ماشى هتفضل على كده وهتبقى حياتك كلها كده
لأ يبقى ممنوش فايدة ده انت كده مش هتخلينى اعيش ولا يوم
وهيبقى بيت خربان
لكن قدرت تنجح فى حاجة تانية
وبقيت اعلى منى يابن الحلال بيها ومستواك يشرفنى ويشرفك قدامى
اه انا اللى اروح اجيبك من اهلك وما اضيعكش من ايدى

من كل اللى قولته ده
اللى يثبت عالحق ويرفع التانى للأقوم
هما دول اللى يكلموا حياة
وطبعا مش هقول فى حد اقل من حد ليه ؟
البنت اللى تعلى من قدر شريك حياتها علشان تضمن ان بيتها متوازن صح
بمقياس ومقادير دينها
دى مقامها اعلى بكتير من اللى شريك حياتها فهم ده لواحده
وكذلك العكس
اللى اقصده اللى يخلى كل حاجة كما قدرت
هوا ده اللى بيتقدر حق قدره
انما اللى مايعملش كده يبقى مايلزمش التانى
ولو حصل وونبى بحبه ياماما
تبقى تتحمل اللى جاى هههههههههههه

وبرضه اضيف على كلامى
كلام الدكتزر سيكو حرف حرف لأنه عجبنى جدا

يارب اكون قدرت افيد
ومعذرة لو الكلام مكانش منظم بدرجة كبيرة

والله انا تهت يا سيمو منك
شويتين
بس اكيد طبعا لازم كل واحد فيهم يعرف يقدر التاني
والا ميكنش ارتباط صح
لانه كده مبني علي غلط
من اولها

شكرا يا جماعة على تفاعلكم معايا
ويمكن لما ادخل جامعة ويمكن تبقى طب او هندسة ابقى اغير رايي مين عارف
بس اللى انا عايزة اوصله ليكو انه مش لازم تحكمى على عريس متقدملك لو انتى دكتورة او مهندسة من كليته مش يمكن ده يبقى احسن من دكتور او مهندس يعنى مش كل الدكاترة والمهندسين كويسين
فيه منهم الكويس وفيه منهم الوحش لكن بقى فيه ناس تقولك خلاص مش دكتور يبقى مش عايزاه ويمكن كمان ترفضه من قبل ما تشوفه ودي حاجة بتضايقنى جدا

وكده نبقى خلصنا تقريبا من الموضوع ده لسه اخواتى وانا تقريبا عارفة رايهم فاللى عايز يتكلم فى حاجة يتفضل

ايه عارفه رايهم دي
يعني مش عايزانا نرد هنا في الموضوع و لا ايه
ههههههههه
انا بصراحه في الاول كنت مقتنعه بحتة انه مش لازم يبقي دكتور و مهندس
ده لو ليه مستقبل كويس في مجال شغله
لكن بدات مؤخرا اقتنع بانه التوافق بين الاتنين في المؤهل و المستوي المادي و الاجتماعي شئ مهم جدا جدا عشان يبنوا حياه سعيده مع بعض
و انا مع سيمو في رايه
و كمان مع سيكو في ان ده بيختلف من واحده للتانيه
بس كمان تختلف من شاب للتاني يعني ممكن واحد يقبل ان زوجته يبقي معاها ؤهل اعلي منه
وواحد تاني ميقبلش
يعني في الاخر بترجع للاتنين نفسهم
و انا مع كيتي في حتة ان الشاب مش بيحب يرتبط بواحده اعلي منه
و دي الغالبيه

بما انكم خلصتوا الموضوع ده
اسال انا بقي
وعاوزه راي كل واحد فيكم
لو حد زعلكم اووووي وكان شخص عزيز عليكم
وانتم مكنتوش تتوقعوا كده منه يا تري ممكن تعملوا ايه؟؟
هتسامحوا وتنسوا ولا هتسامحوا بس مش هتنسوا ولا مش تسامحوا خالص
ويا تري لو سمحتم هتعرفوا ترجوا تاني تتعملوا مع بعض
زي الاول من غير اي تحفظات
ولو افترضنا انكم سامحتم ونسيتم
بس الشخص اللي غلط فيكم مفكرش مجرد تفكير
انه يعتزر وهو عارف انه غلط في حقكم
ممكن تسامحوا وتنسوا عشان كان شخص عزيز عليكم
و يا تري هتزعلوا انكم افتقدتوه ولا يبقي ساعتها انتم عملتم اللي عليكم؟؟

معلش طولت عليكم بس عاوزه اعرف رايكم بصراحه

لو حد زعلني اوووووووووووي
زي ما بتقولي و كمان معتذرش
يبقي ميستاهلش اني ازعل نفسي عشان الحد ده
و اللي يبعني ابيعه

اوك يا بوسي وبيوتي
ربنا يخليكم
ميرسي علي رايكم الجميل
معلش اتاخرت عليكم في الرد
تقدروا لو حد عاوز يتكلم في موضوع تاني يتفضل كده
انا الفكره وصلتني الحمد لله

Þřįňĉễşš ķittў كتب:

بما انكم خلصتوا الموضوع ده
اسال انا بقي
وعاوزه راي كل واحد فيكم
لو حد زعلكم اووووي وكان شخص عزيز عليكم
وانتم مكنتوش تتوقعوا كده منه يا تري ممكن تعملوا ايه؟؟
هتسامحوا وتنسوا ولا هتسامحوا بس مش هتنسوا ولا مش تسامحوا خالص
ويا تري لو سمحتم هتعرفوا ترجوا تاني تتعملوا مع بعض
زي الاول من غير اي تحفظات

دى بتفرق من شخص لشخص لكن لو الشخص ده يستاهل يبقى لازم نسامح وننسى

ولو افترضنا انكم سامحتم ونسيتم
بس الشخص اللي غلط فيكم مفكرش مجرد تفكير
انه يعتزر وهو عارف انه غلط في حقكم
ممكن تسامحوا وتنسوا عشان كان شخص عزيز عليكم

لو حسيتوا انه غعلا متاثرش او مزعلش يبقوا انتوا عملتوا اللى عليكم

و يا تري هتزعلوا انكم افتقدتوه ولا يبقي ساعتها انتم عملتم اللي عليكم؟؟

مهما عمل حتى ولو افترقنا نهائى اكيد من جوايا هزعل على فراقه حتى لو مش كان يستاهل الزعل ده

معلش طولت عليكم بس عاوزه اعرف رايكم بصراحه

معلش جيت متاخر

اوك يا سيكو
ميرسي علي رايك

فكرة حلوة أوي يا بيوتي يارتني خلت من الأول يلا بقي مش مشكله

بالنسبة للموضوع ده فأنا رأيي إن الواحد ما يحكمش علي الناس من أول ما
يشوفهم فأنا أول ما جيت طلخا والمنصورة لقيت إن في إختلاف في اللبس مثلا
يعني متحرر شوية عما كنا في دمياط بما إننا كنا قاعدين في أرياف يعني
وغير كده البنات والشباب بيحبوا يقلدوا بعض ويمشوا علي الموضة اللي
ساعات ما بتنفعش لينا كمسلمين وعادات وتقاليد يعني
مثلا بنت معايا في أحد الدروس يعني وعددنا فيه مش
كثير ومعانا صبيان وهيه بيتها جنب بيتي فكانت بتستناني امشي معاها
وكنت بحس إن بقيت البنات في الدرس بيتهربوا عشان ما يمشوش معانا
فيروحوا بتهم وأنا وهيه نكمل مشي بعد ما يروحوا
وبعدين سألتهم فقلولي إن السبب لبسها فقلت يا جماهة أنا مش بلاقي
حجة عشان أفلت منها فلو مشوا معانا الناس مش هايقولوا عليا ولا عليهم حاجة
وفعلا بقوا ساعات يمشوا معايا وساعات لأ وبعدين لقتها بنت ومحترمة ولما
أخدنا عليها بقينا ننصحها شوية شوية وربنا يهدينا
مرة كنت ماشية أنا وهيه سوي مروحين وكانوا الصبيان اللي معانا مشيين
ورانا وسمعت واحد بيقول يا خسارة كانت محترمة ما أعرفش عليه ولا عليها؟
أرجو التعليق؟

ثوانى بس على لما افكر

يااااااااااااااااه ده كله بتفكر
هههههههههه

اصلى انا مخى على قدى

هههههههههههههههههههههههههههه
طيب فكر وانت نايم ولما تصحى ابقى رد

انا عندي موضوع عاوزه اعرف رايكم فيه
و يا ريت الكل يشارك

ليه ديما مش بنحس بالحاجه غير لما تضيع مننا
ليه ممكن نضيع حجات كتير بغبائنا
وليه مش بنحس باحتياجنا بالحاجه غير لما تسبنا وتبعد عننا
يعني في مننا بيكون قدامه حد بيخاف عليه ويحبه
وبيكون هو سنده وضهره وامانه في الدنيا دي وهو بيكون مطمن جنبه ومعاه
لكن بيضيعه بقلة عقله وغبائه وطيشه
لا والي يجننك بقي بعد كده يبقي هيموت عليه ويبقي حاسس بالضياع
وانه ازاي ضيع ده من بين ايديه
في مننا بيكون جنبه الي يشيل همه ويصلح غلطه كل ما يغلط
ويجي هو بقي بجبروته يدوس عليه ليه لمجرد انه غبي
ويرجع يندم ويبكي في الوقت اللي مينفعش فيه البكاء
وفي نوع تاني كمان النوع ده بقي الي يخليك تشد شعرك
يكون بيحب ومش بس بيحب لاء ده بيكون عااااااشق
لاء وكمان الي يفرسك اكتر واكتر ان الي بيحبه ده
هو كمان بيحبه ويمكن اكتر منه
وتلاقيه ايه يبعد عنه ليه علشان خايف خايف من ايه وعلشان ايه
متفهمش مجرد خوف بس يخليه يبعد ويسيب حبيبه ده
ويرجع يعيط ويندم طب ليه اصلا عملت كده من الاول
وليه محسش بقيمه الحب ده متعرفش ولا تقدر تفهم حتي
السؤال بقي وياريت حد يقدر يجاوب عليه
ليه مش بنحس بقيمه الي معلنا غير بعد ضياعه مننا وندمنا عليه

شكرا ليكي علي رأيك بيوتي و فعلا عندك حق بس اللي بيحصل انه ممكن يضيعه من ايديه و بعد كده بيندم
بس انتي ايه اللي يخليكي تردي هنا انتي لسه صغيره ع الكلام ده هههههههههه
شكرا لمرورك و في انتظار اراء باقي الاعضاء

اممممممممممممم
مش عارف اقول ايه
ريلى؟ اول مرة ابقى مش عارف ارد

بس اوعدك ووعد رجاله مشزى بتاع بيوتى انى هرد ع المشكله دى يا بوسى

ههههههههههه
ماشي يا سيكو
في انتظار رايك و راي باقي الاعضاء

انا معاكي انتي وبيوتي في كلامكم يا كيتي
بس انا اللي اقصده ان الواحد مش بيعرف قيمة الحاجه غير لما تضيع منه
و بعدين يندم انها ضاعت و مش يقدر يرجعها
و شكرا لمرورك يا جميل

مهو للاسف الواحد لما بيضيع حاجه مهمه منه
بيكون صعب اوووووي انه يرجعها تاني
لكن لو ليهم نصيب فعلا مع بعض
يبقي اكيد هتتحل من عند ربنا
كل حاجه تاني هترجع

بس ليه الواحد بقي مش بيعرف قيمه الحاجه الا لما تضيع منه
هقولك عامله بالظبط زي ما يكون عندك حاجه
غاليه عليكي اووووي طول ما هي عندك انتي بتستعمليها
ومستمتعه بيها بس ممكن متحافظيش عليها كويس
وتضيع منك وللاسف بتعرفي قيمتها بعد ما تكون راحت خلاص
ده نصيب اولا واخيراااااااااااااااااا

اه بالضبط كده يا كيتي كده فهمتي قصدي
و فعلا اكيد لو ليهم نصيب هيكونوا لبعض
و شكرا ليكي علي رايك و مرورك الكريم

هههههههههههه
لا بجد و اجيال دلوقتي عقلهم متفتح عن اللي قبلهم
ده علي اساس اننا ايه ؟؟؟؟؟؟
لا ده انتي كده هتقومي المنتدي كله عليكي كلهم جيلي بقي
اللي مش عاجبك ده
و انا في الخدمه اي حد عاوز يخلص تاره من بيوتي انا موجوده هههههههههه

انا معاك في كلامك ده يا سيمو
بس اللي بيحب حد مينفعش يضحي بيه عشان بس يقول مش عاوز اسببله مشاكل معايا
و لا اني اجرحه
عشان هو لو بيحبه بجد اكيد مش هيجرحه
لكن انه يضيعه و كمان يبقي قاصد ده عشان بس مش يسببله مشاكل
يبقي ده ضعف منه
و شكرا ليك ع المرور

boosycat كتب:

انا معاك في كلامك ده يا سيمو
بس اللي بيحب حد مينفعش يضحي بيه عشان بس يقول مش عاوز اسببله مشاكل معايا
و لا اني اجرحه
عشان هو لو بيحبه بجد اكيد مش هيجرحه
لكن انه يضيعه و كمان يبقي قاصد ده عشان بس مش يسببله مشاكل
يبقي ده ضعف منه
و شكرا ليك ع المرور

انا مختلفه معاكي يا بوسي شويه
لانه مش معني انه بعد عشان مش يجرح
اللي بيحبه ان ده يكون ضعف اوسلبيه او كده
بالعكس ده حب وحب كبييييير كمان وقمه التضحيه
واكيد اللي هيبعد عشان اللي بيحبه مش يعذبه معاه
او لاي سبب مهو مش هيبعد كده من غير سبب
اكيد عمره ما هينسي اللي حبه ابدا

لا يا بيوتي هو اكيد لما هيبعد بيتعذبوا هما الاتنين
بس اكيد زي ما قلتلك فيه سبب للبعد ده
والا مكنش بعد اما لو بعد كده من غير سبب
ولا اي حاجه تستدعي كده
يبقي سوري بقي استهبال
ومعتقدش ان فيه حد بيبعد عن حد
عشان يعذبه ويعذب نفسه اكيد فيه سبب
والا ده مكنش حب من الاول

وفي النوع التاني اللي بوسي اتكلمت عنه برده
اللي بيحب ومش بيصرح ده برده ليه اسبابه مش
شرك انه يكون ضعف ولا حاجه
يا اما مش متاكد اصلا من حبه
او فيه حاجه منعاه انه يستمر في الحب ده
او انه يصرح بيه وبجد انا بحترم النوع ده جدا
عشان قبل ما يصرح بيخاف علي شعور اللي بيحبه
لو قعدت اقولك اسباب من هنا للصبح مش هخلص كتابه

وبعدين يا بيوتي انتي لسه صغيره علي الكلام ده
الله لما تكبري شويه ابقي افهمك
هههههههههههههه

ماشي معاكي يا كتي في انه مكن يكون فيه سبب للبعد ده
بس فيه كتير اوي بيبعدو ا من غير ما يقولوا للطرف التاني سبب البعد ده ايه و بيحتفظوا بالسبب ده لنفسهم
و زي ما انتي قلتي انه ممكن ميكونش متأكد من حبه و اكيد طبعا لازم نترم النوع ده
عشان مش حلو انه يصرح بمشاعره و هو مش متاكد منها اصلا
و شكرا لمرورك كيتي و بيوتي

اقول رايى انا بقى
جرت العاده ان اللى بيحب مبيهجرش ومبيبعدش عن اللى بيحبه
لكن لو اللى بيحب ده بقى بيحب اوى اوى اوى ساعتها بيخاف على حبيبه من الهوا الطاير
وبيتمنى دايما انه يكون فى احسن حاله
لو اتاكد من مشاعرة وصرح بحبه يبقى خلاص هو خد القرار اللى هيلتزم بيه طول عمرة
ودول ان شاء الله حبهم هيستمر لانهم الاتنين حبوا بعض فعلا وكلاهم اتاكد من مشاعره
انما لو مش صرحوا بكده
ممكن ده يكون حب كبير وكبير اوى كمان بس هو خايف
خايف يكون مش هو ده الحب اللى هو حاسه
خايف لا يكون ظالم حبيبه معاه
خايف لاحسن فى ظروف هتمنعه
خايف لاحسن حبيبه يتعذب معاه من غر فايده
فبيختار عدم التصريح بده وبتعذب هو لوحده

اما عن البعد قالبعد له اكتر من سبب
ممكن يكونوا بعدوا لانهم مش لقوا فى بعض اللى هما عاوزينه
او بعدوا بسبب خوف احدهم على الاخر
اكيد هما هيتعذبوا كتييييييير
بس المثل بيقول الخسارة القريبه افضل من الخسارة البعيده


انما موضوع ان الواحد مش بيحس بقيمه اللى معاه الا لما يضيع منه فده صح
بالظبط زى الموبيل
انتا جيب موبيل جديد ومبسوط بالاغانى والكاميرا وامكانياته
لكن لما هيقدم معاك هتحس ان ده شئ اساسى فى حياتك وانتا مش محتاجله اوى ولا حتى بتحس باهميته
لكن بوم لما هيضيع منك هتبقى نفسك تاخد صورة ومش عارف وساعتها تفتكر الموبيل

حاولو تطبقوا دول على الاصدقاء
لما يبقى الواحد جمبه صديق وفى وبيحبه بجد
والواحد اتعود خلاص على وجوده معاه وبالتالى اهتمامه بيه قل لانه بقى شئ طبيعى فى حياته
لكن لحظه لما هيروح منه
ويتعرض لموقف كان صاحبه بيحلهوله بكل سهوله وهو مش عارف يحله لواحده
هيعرف ساعتها قيمه اللى كان معاه وهيندم اوووووووووووووى

مشكله مميزة يا بوسى وانا حاولت اكتب كل وجهه نظرى عن الموضوع

ĐŘ_ṦĬЌφỘφ كتب:

اقول رايى انا بقى
جرت العاده ان اللى بيحب مبيهجرش ومبيبعدش عن اللى بيحبه
لكن لو اللى بيحب ده بقى بيحب اوى اوى اوى ساعتها بيخاف على حبيبه من الهوا الطاير
وبيتمنى دايما انه يكون فى احسن حاله
لو اتاكد من مشاعرة وصرح بحبه يبقى خلاص هو خد القرار اللى هيلتزم بيه طول عمرة
ودول ان شاء الله حبهم هيستمر لانهم الاتنين حبوا بعض فعلا وكلاهم اتاكد من مشاعره
انما لو مش صرحوا بكده
ممكن ده يكون حب كبير وكبير اوى كمان بس هو خايف
خايف يكون مش هو ده الحب اللى هو حاسه
خايف لا يكون ظالم حبيبه معاه
خايف لاحسن فى ظروف هتمنعه
خايف لاحسن حبيبه يتعذب معاه من غر فايده
فبيختار عدم التصريح بده وبتعذب هو لوحده
المفروض انه يعمل اللي عليه عشان يكون مع الي بيحبه و عشان ده يحصل فهتكون اول خطوه انه يصرح بحبه
طيب يعني ليه الخوف مع انه لو صرح ممكن يبقي اسعد واحد في الدنيا لما يلاقي الحب من اللي هو بيحبه
اما عن البعد قالبعد له اكتر من سبب
ممكن يكونوا بعدوا لانهم مش لقوا فى بعض اللى هما عاوزينه
او بعدوا بسبب خوف احدهم على الاخر
اكيد هما هيتعذبوا كتييييييير
بس المثل بيقول الخسارة القريبه افضل من الخسارة البعيده
ممكن اكون معاك فعلا في انهم يبعدوا لانهم ملقوش في بعض اللي هما عاوزينه
او ان طرف يكون خايف ع الطرف التاني

و شكرا ليك سيكو علي رايك و مرورك

ممكن يكون اسعد واحد فى لحظه معينه
بس بعد كده حبيبه ممكن يتعذب اوووووووى بسبب الكلمه دى

ممكن فعلا بس ده في حالة انه يكون حب من طرف واحد
ساعتها ممكن يندم كتييييييييير جدا انه صرح بمشاعره
لكن ليه علي طول يبقي عنده خوف يمنعه من التصريح بمشاعره مع انه جايز اوي يكون الطرف التاني كمان عنده نفس المشاعر اتجاهه

اسمها تجاهه مش اتجاهه
هههههههههه

بس الواد سيكو ده جاب كل اللى كنت عاوز اقوله
وبعدين المنتدى كله مقتنع بوجهة نظرى من الاول اهوة
بس بقى
اقتنعى وخلاص
نعملك ايه اكتر من كده يعنى
انتى عاوزه مظاهرة علشان تغيرى رأيك بقى
ههههههههههه