انشاء منتدى الملتيميديا العامة

أنا بقترح إن يبقي في قسم خاص بالفن والأفلام لأنها بتجذب ناس كتير للمنتديات وهتخليهم يشاركم فيه ولا إيه رايك؟

انا موافق على انشاء المنتدى

للينكات الافلام الجديدة

والالبومات الجديدة

واى نوع من انواع الملتيميديا المقبولة

انا بس اللى مخلينى مش عاوز اخد قرار بسرعة
انى مش عاوز اتحمل اى وزر او عواقب تيجى من المنتدى ده
ككلام عن الفنانين او مايشابه
مثلا اللى يقولى آخر صور روبى واللى تقول تمورة حبيب قلبى
ده اللى انا مش موافق عيه
معذرة فى الاسلوب الساخر بس دى الحقيقة

ارجو ان فكرتى تكون وصلت
انا برضه عاوز آخد آراء الاعضاء فى الموضوع ده
واللى يقدر يفيدنا بحاجة ياريت مايبخلش علينا بيها

هدفنا ارضاء الجميع
وجلب مايرضيهم
وابعاد مانحن بغنى عنه

وياريت لو الاقتراح لاقى قبول من الاعضاء
يتقدم مشرف صارم وقوى لهذا المنتدى فقط
تحت اشراف المراقب العام للمحافظة على رونق المنتدى واحترام اعضاءه الكرام

والله يا سيمو انا شايف انك ممكن تنفذ الموضوع بس بتحفظ شوية
بمعنى انه ممكن يبقى منتدى الفن خاص بالاجنبى فقط
وبكده انت هتتجنب الكلام اللى انت بتقول عليه سواء اخبار فنانين او تعليقات وكده يعنى
وبرده نشوف الناس رأيها ايه فى الكلام ده

[justify][right]

هو الموضوع عايز تفكير بس أنا شايفه إن كل اللي في المنتدي محترمين الحمد لله وعرفت ده من طريقة كلامهم وبعدين اللي مش هيلاقي اللي عايزه هنا هيلاقيه في منتديات كتييييييير

و الله انا شايفه انه مفيش مانع يا سيمو من موضوع منتدي الفن ده
و بعدين اي رد من الردود اللي بتقول عليها دي اكيد مشرف المنتدي و انا كمراقب عام هنحذف الرد علي طول
يعني هو المنتدي عايز مراقبه بس مش اكتر

طب انا ليا راي مختلف ويارب محدش يزعل مني
احنا كلنا عارفين منتديات اللي بنزل منها الالبومات والافلام والكلام ده
وهما كام منتدي مشهورين والناس كلها بتدخلهم

ثانيا
لو تقصدوا اخبار الفن وكده يبقي في ناس تانيه تستهاهل
اننا نجيب اخر اخبارها ونخلي الناس تعرفها غير الفنانين

ثالثا
اسم المنتدي سيمو موبايل
بيبقي بدل ما نهتم بالفن
نهتم ببرامج الموبايل والكومبيوتر
ودول منتدياتهم مش اوي
يبقي ليه منساعدش سيمو
ان المنتدي يكون مشهور ومتميز
في المنطقه دي

وخصوصا اني اظن
موضوع الفن ده
هيبقي اللي ماسكه
متحمل ذنوب المنتدي كله
وكل اللي بينزل فيه

تقبلوا مروري
وارجوا ان محدش يزعل مني

رايى سيكون مؤخرااااااااااا

Þřįňĉễşš ķittў كتب:: طب انا ليا راي مختلف ويارب محدش يزعل مني
احنا كلنا عارفين منتديات اللي بنزل منها الالبومات والافلام والكلام ده
وهما كام منتدي مشهورين والناس كلها بتدخلهم

ثانيا
لو تقصدوا اخبار الفن وكده يبقي في ناس تانيه تستهاهل
اننا نجيب اخر اخبارها ونخلي الناس تعرفها غير الفنانين

ثالثا
اسم المنتدي سيمو موبايل
بيبقي بدل ما نهتم بالفن
نهتم ببرامج الموبايل والكومبيوتر
ودول منتدياتهم مش اوي
يبقي ليه منساعدش سيمو
ان المنتدي يكون مشهور ومتميز
في المنطقه دي

وخصوصا اني اظن
موضوع الفن ده
هيبقي اللي ماسكه
متحمل ذنوب المنتدي كله
وكل اللي بينزل فيه

تقبلوا مروري
وارجوا ان محدش يزعل مني

انا رايى نفس رايك بالظبط وخصوصا انى من الادمن للمنتدى فهشيل اكبر ذنب

فى حاجات كتييييييييييييييييييييييير اهم من الفن نهتم بيها

واحنا شباب مسلمين ممكن نعمل حاجه دينيه بدل الفن

دى وجهه نظرى ارجو انكم تقبلوها

ولو على البرامج وكدة انا متكفل بيها على كام عضو من الاعضاء نبقى متميزين فى المجال دة ان شاء الله

اعذرونى على دخولى القليل بس لظروف الامتحانات وكدة بس قريب هنرجع تمام ان شاء الله

فى انتظار اقتراحاتكم