نفوسه النفسويه

نفوسه النفسويه
________________

استاذ علم النفس بجامعه نداغ اللبان فرع تشكلس

مستكه يا
عينى عليها وعلى بختها كل متشوف واحد تتعلق فى ديله زى الغرقان اللى بيتعلق فى
قشايه بس معذوره العنوسه صعبه برضو (للعلم مستكه 43 سنه يعنى فى عززززززززززز
الشباب حتى لو تلاحظو نفوسه بتقول عليها بنت
)
بسسسسسسسسسسسسس
سكوتتتتتتتتتتتتتتتتتتتتتتت
كلاكيت تانى مره

مشهد داخلي
--------------

(مستكه
ممدده على الشيزلونج-نفوسه قاعده قدامها بتعدل فى نظارتها كعب الكوبايه مشغله
الكاسيت عشان تسجل ................وبتنتشر فى المكان موسيقى عمر خيرت
الهاديه)

نفوسه النفسويه :مستكه فضفضى ورطرطى الكلام اللى عندك من غير
حبشتكنات؟؟!!!!

مستكه:بدأت العلاقه اللى بينا تاخد شكل تانى اخدت رقم التليفون
منه وبقيت اتصل بيه بصفه دايمه كان دايما يبقى مشغول علطووووووول وبالتالى كنت بتصل
انا يعنى مكنتش بعمل فرق

نفوسه:وبعدين يا دلعى ؟؟؟؟؟!!!!!!!!

مستكه : دلوقتى
بقالنا 5 شهور بس فى مشكله ساعات كتير بحس انه زهقان منى
ويبعد عنى باستمرار
بيتحجج بأى حاجه عشان ينهى معادنا بدرى مش بيحب يقضى وقته معايا زى الاول انا بتقتل لما بحس انه مش متحمس ليا او مش بيحبنى قد مانا بحبه مش عارفه
ايه بس اللى حصل ؟؟؟؟؟؟؟؟!!!!!!!!!!

نفوسه :طب ياترى ايه سبب البرود فى علاقتكم
دى ؟؟؟؟؟!!!!!!!!!

مستكه:امال انا جيالك ليه يا دكتوره ؟؟؟؟؟؟!!!!!!!!

نفوسه :لازم يكون فى مشاركه وتفاعل ،طب شوفى يا مستكتى انتى لما بتتصلى كتير كده
او بتحاولى التواجد كتير فى حياته بيحس انك مستعجله على الارتباط والارتباط فى حد
ذاته مش موضوع سهل ..........

مستكه:تصدقى لقيت نفسى فجأه بقوله تعالى
نشرب حاجه فى الكافيتيريا !!!!!!!!

نفوسه : والمشاريب على مين ............احم احم قصدى
وبعدين ؟؟؟؟؟؟؟؟؟

مستكه:اصلك مش عرفه هوا خجول قد ايه انا لما شفته بيبتسم لى
من بعيد قلت ده اكيد عاوز يصارحنى باللى فى قلبه

نفوسه : الكلام ده يا مستكه مش
بياكل عيش ده اساسا لو عرفتى تجيبيه وربنا ينتعك بالسلامه وتعرفى توصلى لشباك
الفرن
الحقيقه يا مستكتى ان الرجاله دول مش خجولين خالص وده كلام علم النفس
والراجل لو عايز يقولك حاجه هيستجمع كل قوته وشجاعته ويقولهالك

مستكه : بس انتى
عارفه ان انتظار النص التانى صعب خصوصا فى الظروف الاقتصاديه الجميله اللى احنا
عايشين فيها منحنى الاخلاق اللى فى نزول مستمر ...........
طب هقولك حاجه هو فى اول
علاقتنا لما كان بيبصلى كنت ببصله دلوقتى لما ببصله بيعمل كأنه بيقرا فى صفحة
الحوادث او الوفيات اللى فى جرنان المصرى اليوم ومش بيدينى
اهتمام!!!!!!!!!!

نفوسه : اممممممممممممم معلش اصل البلد اليومين دول
حالها منيل بنيله اضرابات على وفيات على حوادث وياسلام بقى على الغلاءات
............
انتى تعرفى ان كيلو الجبنه الرومى تمنه بقى اغلى من كيلو اللحمه و
الزتون بقى اغلى من الدقيق والدقيق بقى اغلى من السكر والسكر اغلى من الزيت والزيت
اغلى من اللانشون
الخ الخ

مستكه : مش ده موضوعنا يا دكتوره
المهم انه مبقاش يحبنى هوا انا كنت غلطانه لفما كنت بتجاوب معاه لما يبصلى
؟؟؟؟؟؟؟؟؟؟

نفوسه : بيتهيألى كده يا مستكه اصل البنت المفروض تتقل شويه برضو
عشان متضيعش حبيبها من اديها
مش شرط حبيبها ممكن يكون عريس لؤطه متريش


مستكه : لا يا دكتوره انا فى اول علاقتنا كنت ببادله نظرات عاديه لحد ما
اتكلمنا وكنت عاوزه اكلمه فى كل حاجه عشان مطيروش من ايدى وقعدت اكلمه لحد ما ريقى
نشف وكمان هوا كان راح فى سااااااااابع نومه

نفوسه : اهى دى غلطه المفروض البنت
يكون كلامها قليل جداااااااااا خاصة فى اول لقاء حتى لو بتموتى فيه بس ده كده هيحس
انك محاصراه وهيتضايق وهيزهق منك (زى ال 17 اللى طاروا منك قبل كده وزى 33 اللى
طاروا منى وقعدت لحد دلوقتى من غير جواز مع انى لسه فى عز شبابى انا لسه مكملتش
ال60)

مستكه : امال اعمل ايه بس ؟؟؟؟؟؟؟؟؟

نفوسه :كنتى تفتحيلو الطريق بعدين
تسيبيه يتكلم يعنى تشربى العصير تبصى فى الحيطان تبصى على الهوا حواليكى تهرشى حبه
فى شعرك على الاقل يعرف انك نظيفه بتنضفى نفسك بنفسك ومش بتحتاجى لمبيدات حشريه


مستكه : ابص على الهوا ازاى ده كده الناس تقول عليا
مجنونه!!!!!!!!

نفوسه : مهو ده المطلوب هوا اصلا فى حد عاقل بيحب الايام
دى !!!!!

مستكه : طب مهوا ضاربها طناش دلوقتى اعمل ايه
؟؟؟؟؟؟؟

نفوسه : اضربيها انتى كمان طناش هوا فى احلى من كده والاخر العمليه كلها
نصيب وكل واحد بيحاول لحد معين

بعد كده ستووووووووووووووب
وزي ما قالت جداتنا زمان

نصيبك هيصيبك ولو كنتي فين ده النصيب غلاب