مطبخ المنتدي (متجدد باستمرار)

شكرا جدا عالموضوع

اما الحق المحشى وهوا سخن ههههههههه

تسلم ايد اللى طبخت

السلام عليكم ورحمة الله وبركاته
بناءا على طلب الجماهير قررت إنى أدخل المطبخ وأشارك معاكم بأكلة فى الموضوع
وربنا يستــــــــــــــــــــــر
أوميرســــــــــى يابوسى إنتى وسيمو على التشجيع
وأكلتنا النهاردة هى
((كفتة الجمبــــــرى))




المقادير:
كيلو جمبرى 1
1 كوب أرز
بقدونس
2 حبة بصل
4 فصوص ثوم
شبت
كزبرة
فلفل حار
2/1 ملعقة كمون
4/1 ملعقة زعتر
2 ملعقة ملح
3 ملاعق عصير ليمون

كوب دقيق
بيضة

طريقه التحضير
1-يفرم الجمبرى مع الأرز والشبت والكزبرة والبقدونس والبصل والثوم والفلفل الحار.


2- ثم يضاف الملح والكمون والزعتر وعصير الليمون ويقلب جيدا،ثم تشكل على شكل أصابع.


3- يخفق البيض جيدا مع القليل من الملح والفلفل.



4-توضع الأصابع فى البيض ،ثم الدقيق.


5-يوضع زيت فى مقلاة على نار متوسطة ثم تضاف أصابع الجمبرى وتقلى حتى يحمر لونها.



6-ثم تصفى من الزيت ويقدم ساخنا
وألف هنــــــــــــــــا وصحة عليكم0

عادى ياسيكو انا وانت واحد
هيا جت فى سندوتش
فين ياض ال 15 جنيه اللى عليك ؟ ههههههه

سيبكو دلوقتى من سيكو ومن ال 23 جنيه اللى عنده ندخل فى المهم

بعد اذن بنانيت المنتدى
انا هدخل المطبخ وهطبخ
لولولولولولولى هههههههههههه

وهعمل اكلتى المفضلة
وبعدها مشروبى المفضل
اتفضلو معانا

الوجبة : البيض المقلى

المكونات : 1- عدد 1 بيضة بصفار واحد ( الكرتونة ب 14 ج م )
او بصفارين ( الكرتونة ب 16 ج م )
2- سمن نباتى علشان خفيف (سمنة جنه حلوة)
او سمن بلدى للى بيحب يديها
او زيت (فى الاصيل وفى كريستال حسب ذوقكم بقى)
3- ملح ناعم ( الكيس بنص ج م )
4- مرقة دجاج فورية (يفضل فاين فودز) او بهار لحمة ( من عند اى عطار )
5- فلفل اسمر مطحون ( من عند العطار اللى قبله مش هنروح لعطار تانى يعنى )

الادوات : 1- عدد 1 مقلاة ( طاسة )
2- عدد 1 طبق غويط صغير
3- عدد 1 ملعقة
4- طبق مسطوح للتقديم

الخطوات : 1- نكسر البيضة داخل الطبق ونضع مابداخلها دون القشر
2- نضع القليل من الملح الناعم حسب المزاج
3- نرش خفيفا بالفلفل الاسمر والقليل من بهار اللحم او مرقة الدجاج الفورية
4- نضع قطعة صغيرة من السمن لاتزيد عن نصف الملعقة فى المقلاة ولانزيد عند هذا الحد
هذا لتقليل الدهون فى الطعام ولتوضيح المهاردة فى الطهى دون الاحتياج لسمنة كثيرة دون ان تلصق البيضة فى المقلاة
او القليل من الزيت
5- نشعل النار الهادئة على السمن كى يذوب ولكن لانتركه الى ان يسخن الى درجة عالية
6- نخفق الخليط جيدا ثم نسكبه فور اكتمال ذوبان السمن
7- نعلى من النيران ونرفع المقلاه عن البوتاجاز ونقوم بالتقليب المستمر للخليط بدون الملعقة (تحريك المقلاة حركة دائرية اعلى النيران)
8- نستخدم الملقعة لتسوية جوانب البيضة والاجزاء التى لم تنضج ونستمر فى الحركة الى ان يكتمل نضوج البيضة
9- نضع البيضة فى طبق التقديم دون ان تكون قد لصقت فى المقلاة
10- بالهنا والشفا

المشروب : الكوفى ميكس

المكونات : 1 كيس كوفى ميكس
2- سكر (تموينى او سكر الاسرة)
3- ماء نظيف (مش ضرورى يكون مقطر يعنى)

الادوات : 1- سخان شاى لتسخين الماء
2- مج لتقديم المشروب
3- ملعقة صغيرة

الخطوات : 1- نضع الماء فى السخان
2- نفتح الكيس ونضع مكوناته فى المج
3- نضع السكر بالملعقة حسب المزاج
4- فور غليان الماء نقوم بسكب القليل الى ان نغطى مسحوق الكوفى ميكس والسكر
5- نقوم بالتقليب جيدا ثم نزيد من الماء مرة ثانية الى منتصف المج
6- نقوم بالتقليب جيدا حتى تذوب المكونات مع بعضها
7- نزيد الماء الى نهاية المج ونقلب للمرة الاخيرة
8- اشربوا بقى

هههههههههههههههه

طبعا الصعب للصعب

شوفتوا بقى ان احنا عالم قادرة هههههههه


طب بجد اتحدى حريم الجامعة كلها بلا استثناء فى اللى تعمل بيض اطعم من اللى بعمله

وعليا وعلى اعدائى

المطبخ ولع ياجماعة ههههههههههه
وشكرا لمرورك سيكو وعبقر
ولأول منافسة البرنسيس

الللللللله

ايه الحلاوة دى

شوفت الكريبات ياعم سيكو
ههههههههه بلاش فضايح بقى
عمال تدبلى بسطرمة وشيش طاووق وسايب الشيكولاته
هههههههههههههههههههههههههههههههههه

نبقى نشوف الحكاية دى فى الاجازة بقى


شكرا يانونو
رجعتينى انا وسيكو لذكريات
مش لازم نفتكرها هههههههههههههههه